金田日本料理 (Closed)

見咁多人話好，於是打算book星期五晚去食，打電話去話想訂夜晚食，都未講幾點，個姐姐仔已經話要八點半前交檯有冇問題，我就係想book八點嘛，於是佢話八點半後特價無得book要黎排，咁無計啦，於是同老婆八點三到去，已經有廿人係樹，等等下有人話訂左檯就直入，我咪問個姐姐點解人地訂得我又唔得，佢話咁岩有人取消先比佢訂喎。終於到八點半，可以拿籌，拿籌時姐姐話應該九點四到有位，於是係個豆潤商場行左大半個鐘，人都呆晒，老婆塊臉黑到鑊底咁，終於九點半先有位，但十點半就last order，都唔知後面既人點食。入到去要坐吧檯，即刻劃紙叫野啦。d野有d黎得快，有d黎得慢，有d直情無黎要摧。三文魚魚生質素普通，又切得太厚，唔太喜歡。劍魚又好厚，兼無乜魚味，其他燒物同烏冬等ok。不過劃紙有個麻煩地方係你劃左唔見黎，你又要劃過，劃劃下有d又黎返，攪到你都唔知究竟黎晒未。雖然特價叫做抵食，但等到成十點先有野落肚你咪攪我啦。