泰廚泰國菜館

Open Now

Now Closed

同老公喺旺角行完街，正煩惱唔知食乜好，就路過呢間泰國嘢。聞到佢門口個串燒攤檔啲香味，已經比佢吸引住；再見佢平日都有人喺門口等位，覺得應該都有啲保證；最後上埋openrice到睇，原來有咁多正評添～咁就同老公決定等位都要試！等咗二十分鐘左右，終於有位。因為環境有限，且坐無虛席，所以都坐得比較逼。不過個非常敬業樂業嘅伙記非常好，見我哋買完嘢，一袋二袋，都主動幫我哋掛起啲嘢，費事逼住我哋。好喇，講番正題啲美食。話明係比佢啲串燒吸引，咁梗係先點兩串嚟試下。叫咗一串串燒沙爹雞、一串串燒沙爹豬。果然色、香、味俱全！嚟到嘅串燒同門口嘅一樣香噴噴，加上見到嫩滑嘅肉同一大堆金黃色嘅沙爹醬灑晒上面，真係望到人垂涎欲滴。放入口，肉質果然鮮嫩，唔會韌，又唔「鞋」。而且配上濃郁嘅香口沙爹醬，雖然係辣咗少少，不過辣得嚟好香，又唔會蓋過啲肉味，真係令人再三回味！ 之後嚟嘅係冬蔭大頭蝦湯。本身都怕好辣，但好在都唔算。而且味道好濃郁。大大隻大頭蝦，令到冬蔭公嘅鮮甜味更為突出。而且份量都唔少，兩公婆飲極都飲唔完咁。 然後就到泰式菠蘿炒飯。好足料，嚟到嘅時候亦好香，真係枱枱都會叫嘅招牌菜！啲炒飯唔會太「林」，咬