Video
Read full review
2008-12-10
31 views
日期：09.12.2008（星期二）時間：13:00-14:00（午飯時間）地點：當然係美孚小男孩Baby Blue Café事由：當日全場爆滿，仲有人喺門口等位，我哋10個人預早就訂定位去上址餐廳食飯，結果7個人（叫咗日式豬扖飯同埋唔記得乜意粉）等咗唔駛30分鐘（約13:35前）可以有得食，其餘3個人（叫香橙芝麻鷄）就大件事啦！好彩啲2個人喺13:55終於有得食（即係食咗之後包保會遲到，除非唔駛返工），最後我等到14:00仍然無得食，惟有去樓下M記買個飽返公司食頂肚，事關等到有得食先走，隨時以後都唔駛再食（分分鐘俾人炒魷）。雖然啲侍應係咁say sorry，但係於事無補呢！其實類似事情唔係第一次發生，有一次星期五（好似係28.11.2008）又係咁，好彩係全部人（無今次咁多，5-6個）都叫做食到主菜，不過甜品到2點都出唔切，結果無食到（唔通繼續等到唔知幾時咩）。喺度提醒各位，如果去到上址餐廳食午飯，見到座無虛席（講真對老闆係好事），而大家又需準時返工，咁就唔好跟住正常程序嚟食，有飽食或有餐湯飲同時就叫定餐飲，就算有人主菜未到就叫定上甜品，咁大家就有機會食齊所有食物同埋一齊準時走人（再
時間：13:00-14:00（午飯時間）
地點：當然係美孚小男孩Baby Blue Café
事由：當日全場爆滿，仲有人喺門口等位，我哋10個人預早就訂定位去上址餐廳食飯，結果7個人（叫咗日式豬扖飯同埋唔記得乜意粉）等咗唔駛30分鐘（約13:35前）可以有得食，其餘3個人（叫香橙芝麻鷄）就大件事啦！好彩啲2個人喺13:55終於有得食（即係食咗之後包保會遲到，除非唔駛返工），最後我等到14:00仍然無得食，惟有去樓下M記買個飽返公司食頂肚，事關等到有得食先走，隨時以後都唔駛再食（分分鐘俾人炒魷）。雖然啲侍應係咁say sorry，但係於事無補呢！
其實類似事情唔係第一次發生，有一次星期五（好似係28.11.2008）又係咁，好彩係全部人（無今次咁多，5-6個）都叫做食到主菜，不過甜品到2點都出唔切，結果無食到（唔通繼續等到唔知幾時咩）。
喺度提醒各位，如果去到上址餐廳食午飯，見到座無虛席（講真對老闆係好事），而大家又需準時返工，咁就唔好跟住正常程序嚟食，有飽食或有餐湯飲同時就叫定餐飲，就算有人主菜未到就叫定上甜品，咁大家就有機會食齊所有食物同埋一齊準時走人（再次強調只係有機會，因為我哋已經係咁做都失敗收場），不過點解要咁辛苦食餐飯呢？
Post