Video
Read full review
2021-11-09
249 views
📍 𝐓𝐡𝐞 𝐁𝐮𝐭𝐭𝐞𝐫𝐟𝐥𝐲 𝐑𝐨𝐨𝐦香港最難Book嘅下午茶☕️，我係9月1日上午9點係官網Book左今日去食😋期待已久，去到餐廳嘅時候職員好細心咁問我同朋友有冇食物敏感🙇🏻♀️我本身對堅果類食物有敏感所以職員有幫我預備無堅果食品。我覺得因為我哋坐近窗嘅位置，有少少背光所以影相唔係特別靚，同埋冷氣好凍🌝如果大家需要預約嘅話記得我每個月嘅1號9點鐘去官網搶🙌🏻叫左一壺Choco Mint Truffle同Emperor’s White Garden ，可能飲唔慣所以覺得兩壺茶都係怪怪地，白茶好似飲緊香水咁🥶，相比之下Choco Mint Truffle好似好味啲飲到最尾感覺好似有少少薄荷味道🫖蟹肉牛油果青瓜三文治:包身較乾，蟹肉味香濃而且突出，反而食唔到牛油果味，四款三文治我覺得最好食係呢款，因為食落去好清新🌱芝士火腿三文治:麵包亦煮係偏乾，夾心嘅芝士鹹鹹地好creamy，同平時嘅芝士片唔同，上面亦有酸洋蔥、酸青瓜，我覺得如果宣揚重擺喺中間嗰夾心應該都會唔錯。魚子醬煙燻三文魚三文治，煙熏味真係幾重，中間嘅煙三文魚片毫不吝嗇，非常厚，口感一級棒👍🏻黑松露蛋沙律三文治，雖然食落口松露味極重
香港最難Book嘅下午茶☕️，我係9月1日上午9點係官網Book左今日去食😋期待已久，去到餐廳嘅時候職員好細心咁問我同朋友有冇食物敏感🙇🏻♀️我本身對堅果類食物有敏感所以職員有幫我預備無堅果食品。我覺得因為我哋坐近窗嘅位置，有少少背光所以影相唔係特別靚，同埋冷氣好凍🌝如果大家需要預約嘅話記得我每個月嘅1號9點鐘去官網搶🙌🏻
叫左一壺Choco Mint Truffle同Emperor’s White Garden ，可能飲唔慣所以覺得兩壺茶都係怪怪地，白茶好似飲緊香水咁🥶，相比之下Choco Mint Truffle好似好味啲飲到最尾感覺好似有少少薄荷味道🫖
蟹肉牛油果青瓜三文治:包身較乾，蟹肉味香濃而且突出，反而食唔到牛油果味，四款三文治我覺得最好食係呢款，因為食落去好清新🌱
芝士火腿三文治:麵包亦煮係偏乾，夾心嘅芝士鹹鹹地好creamy，同平時嘅芝士片唔同，上面亦有酸洋蔥、酸青瓜，我覺得如果宣揚重擺喺中間嗰夾心應該都會唔錯。
魚子醬煙燻三文魚三文治，煙熏味真係幾重，中間嘅煙三文魚片毫不吝嗇，非常厚，口感一級棒👍🏻
黑松露蛋沙律三文治，雖然食落口松露味極重，但係感覺上好似同蛋沙律嘅內餡料唔係好夾，我認為如果個蛋鹹少少會比較好食🥺
細細杯嘅蘑菇湯雖然佢好迷你，但好夠熱，有適量嘅蘑菇碎，比坊間普通餐廳嘅蘑菇湯相對上冇咁鹹，質地唔算太稠，好creamy好正🙌🏻🙌🏻
Scone好鬆脆，尤其是個餅底脆卜卜，其實我食完一個之後refill左4個😂佢嘅果醬有兩個味，分別係鮮橙整出嚟果醬，有大量橙肉，唔會太甜，雜莓果醬亦都係酸酸甜甜，Butter Cream比起普通牛油🧈
之後就係最期待嘅餐車出巡，由於我唔識得堅果嘅關係所以其實餐廳嘅每一款我全部都唔食得😂，我朋友每一樣多叫咗一份佢試吓個口感然後send俾我影吓相😍
抹紅豆慕絲撻，上面噴咗一層好薄嘅抹茶粉，中間抹茶慕絲味道香濃而不苦澀，中間嘅紅豆同抹茶好夾，下面嘅餅底牛油味好重，雖然係硬嘅但係餅底唔會太厚💚
拿破崙，呢個果然係Rosewood嘅招牌菜，呢個拿破崙真係超級好食😋我認為中間嘅嗰個cream好友咖啡/奶茶加雲呢拿咁嘅吉士味，餅皮脆脆
檸檬馬卡龍🍋，好酸好酸，唔係太甜杏仁味好重，正常馬卡龍口感冇乜特別😉
草莓忌廉蛋糕🎂，好普通，啲cream好啖，就好似普通嘅草莓忌廉蛋糕咁
朱古力三兄弟，呢三粒圓形嘅朱古力，入邊有一粒榛子果仁，一食落口脆卜卜，感覺好特別
朱古力香蕉撻，香蕉味適中唔會蓋過朱古力嘅味，上面嘅朱古力漿有少少酒嘅味道，有一種甜而不膩嘅感覺
朱古力忌廉泡芙，中間嘅朱古力cream入邊有少少脆米，口感豐富，呢個睇賣相好甜但係食落去偏苦，有少少意想不到的感覺
牛奶朱古力碎塊，好少牛奶朱古力係唔甜，做得幾好唔會令人覺得太膩，中間有說嘅花生、果仁，
朱古力黑森林蛋糕，上面有偏苦嘅朱古力碎，中間有Cream同酒心嘅餡料，雖然佢賣相好普通好似街邊檔口嘅黑森林蛋糕，不過總括來講我覺得朱古力嘅食物佢係算最好食。酒心同埋朱古力嘅比例平衡，調校得非常之好。
雜果杯入邊有士多啤梨紅莓黑莓藍莓，我覺得佢本身入邊嘅水果偏酸，所以有點果醬一齊食，咁樣就會冇咁酸。🍓
之後一個紅莓嘅果凍杯，呢個果凍杯個口感同味道好奇怪🥶好似有少少豆奶加維他奶嘅味道，而佢嘅口感係唔似啫喱亦都唔似果凍，偏硬，好似魚膠粉落得太多嘅感覺。🤮
水果軟心朱古力、茉莉花香朱古力、酒心朱古力，呢三粒朱古力都比我想像中好食唔會好甜中間仲會有唔同嘅味👍🏻
杏脯朱古力塊，太甜了，食完之後起晒痰🤮
芒果椰汁杯，一個好似食緊芒果糯米飯咁兩個字講晒！好味😋
評分時間❣️ (最多五顆星，如不推薦會打交叉）
食物質素⭐️⭐️⭐️⭐️
環境⭐️⭐️⭐️⭐️⭐️
服務質素⭐️⭐️⭐️⭐️
價錢💸:埋單$877
餐廳資料📋: The Butterfly Room
🕌地址: 尖沙咀梳士巴利道18號香港瑰麗酒店2樓
☎️電話: 38918732
Post
