Video
Read full review
2020-12-31
435 views
聖誕節晚餐, 千揀萬揀, 揀左ITAMAMA 買外賣。因為餐廳有D 套餐係$48 一個, 冇額外外賣折。 而我地又點左個主食- 豬鞍, 有9 折, 於是落單果位店員幫我地分開左兩張單。並話俾我地知大約要等20 分鐘。俾完錢之後, 我感覺豬鞍價錢有錯, 因為佢原價係$148 再9 折, 但係佢收左我$14X。再睇返張單, 果度打左$158, 於是我返去問另一個店員, 佢地先發現落單果部機既價錢錯左, 於是佢地就退返$9 俾我。特價餐果張單好快就出左, 一心以為豬鞍好快搞掂就可以返去開餐。點知時間一分一秒咁過, 過左30 分鐘左右。見後過我地落單既食客 (佢既號碼係83, 我地係81) 同我地一樣, 拎左一張單既外賣同時同店員表示佢仲差個豬鞍。我地聽到店員同果店客人講: 先生, 得架啦! 我同左廚房講, 佢地而家即刻整。為免佢俾左個豬鞍果位客人先, 老公都特登行去同返同一個店員講, 我地等緊個豬鞍未到。點知, 果位店員真係俾左個豬鞍果位客人先。而我地果個呢, 冇一齊出。其實去到呢一刻, 我地已經等左40 分鐘外賣, 就係差個豬鞍。仲要眼白白睇住遲過我地既客人明明叫埋同一樣野, 竟然可以拎走
聖誕節晚餐, 千揀萬揀, 揀左ITAMAMA 買外賣。
因為餐廳有D 套餐係$48 一個, 冇額外外賣折。 而我地又點左個主食- 豬鞍, 有9 折, 於是落單果位店員幫我地分開左兩張單。
並話俾我地知大約要等20 分鐘。
俾完錢之後, 我感覺豬鞍價錢有錯, 因為佢原價係$148 再9 折, 但係佢收左我$14X。再睇返張單, 果度打左$158, 於是我返去問另一個店員, 佢地先發現落單果部機既價錢錯左, 於是佢地就退返$9 俾我。
特價餐果張單好快就出左, 一心以為豬鞍好快搞掂就可以返去開餐。
點知時間一分一秒咁過, 過左30 分鐘左右。
見後過我地落單既食客 (佢既號碼係83, 我地係81) 同我地一樣, 拎左一張單既外賣同時同店員表示佢仲差個豬鞍。
我地聽到店員同果店客人講: 先生, 得架啦! 我同左廚房講, 佢地而家即刻整。
為免佢俾左個豬鞍果位客人先, 老公都特登行去同返同一個店員講, 我地等緊個豬鞍未到。
點知, 果位店員真係俾左個豬鞍果位客人先。
而我地果個呢, 冇一齊出。
其實去到呢一刻, 我地已經等左40 分鐘外賣, 就係差個豬鞍。仲要眼白白睇住遲過我地既客人明明叫埋同一樣野, 竟然可以拎走先。
於是老公再問返果位店員 (即跟住豬鞍果位), 佢又回覆我地: 先生, 我同左廚房講, 佢地而家即刻整。
我地同佢表明佢俾左份豬鞍果個客人先, 果位店員仲大大聲講: 因為果位客人等得耐D。
WHAT!?
我同老公已經好憤怒, 同返佢講: 果個人個號碼係83, 我地係81, 點會佢等耐D?
果位店員聽完後, 即刻話返返入去廚房話跟返我地張單。
等多5 分鐘, 我地既豬鞍終於到啦! 呢個外賣, 我地總共等左50 分鐘先齊!
原先另一張單既外賣已經凍晒了!
跟進豬鞍果位店員既態度極有問題!!! 而且經常拎外賣出黎叫外賣號碼時拉低口罩, 隻手不斷摸口罩外面, 極不衛生。
好啦! 講返野食先!
雖然果位店員態度一般, 但食物質素都幾好!
MAMA 手工PIZZA
(香草腸, 溫泉蛋, 煙肉, 肉醬)
一打開, 個盒濕左, 先發現隻溫泉蛋爛晒, 整到成個盒濕晒
不過PIZZA 料多, 餅底厚左少少, 所以凍左時都有D 硬。
MAMA 手工PIZZA
$48
27 views
0 likes
0 comments
龍蝦茄汁豬扒焗珍珠飯 (左)
豬扒好多塊同好大塊, 茄汁味濃, 唔係好食到龍蝦汁味!
不過份量都大, 性價比高!
龍蝦茄汁豬扒焗珍珠飯
$48
19 views
0 likes
0 comments
黑松露煙肉菌皇忌廉汁闊條麵
忌廉汁多, 但係唔重奶味, 幾好!
我本人都鍾意濶條麵, 雖然焗左好耐, 但係唔會變淋
好多雞脾菇同煙肉, 不錯不錯! 性價比高!
黑松露煙肉菌皇忌廉汁闊條麵
$48
29 views
0 likes
0 comments
烤極黑豬鞍扒配烤野菜
送薯條同野菌忌廉湯
野菌忌廉湯 - 好飲, 唔算好濃野菌味, 但都滑
薯條 - 焗到淋左少少, 不過點左醋同椒鹽都好味
烤極黑豬鞍扒配烤野菜 - 野菜係細紅蘿蔔, 有D 生, 唔係好識欣賞。仲有幾舊翠肉瓜
豬鞍烤得好好, 好好食! 有少少燒烤味! 正! 而且肥疫瘦均勻, 不錯不錯!
烤極黑豬鞍扒配烤野菜
$148
23 views
0 likes
0 comments
以下為平日餐牌, 假日價錢會貴D
基本上, 雖左果2 件蝦碌事件, 食物質素其實好好! 希望可以改善下!
Post
