圓圓小姐 (快樂大廈)

Open Now

Now Closed

同朋友係OpenRice 1:03落咗2杯外賣自取，1:25到鋪頭，問藍色頭髮收銀有未，佢睇完單冇覆冇答冇望，不過由佢同佢入面同事溝通感覺到未有，唔緊要，我哋企一邊等。到1:35分，其他walk-in 落單嘅客都陸續拎到嘢飲，我哋依然未有，就問多次，佢同個收銀好似溝通有問題咁，我哋隱約聽到”出咗單？未？出咗啦”之類，今次答我嘅係入面冲嘢飲嘅staff，叫咗好d，有同我哋講唔好意思，等多陣。好，繼續等，但沖極都未見沖我哋個杯，等咗陣終於有一杯出黎，keep 咗係收銀枱，再等，等到1:44分實在要趕返公司，我問個藍髮收銀可唔可以俾咗一杯我先，佢眼尾都冇望，冇應機，過咗幾秒嘢飲同飲筒大大力達落黎。 而我朋友仲要繼續等埋佢個杯。 都感覺到藍髮收銀個個唔太想返工，有d唔知自己做緊乜，d單極亂。都唔太明我哋1點03分就落單，但比我哋遲買嘅walk-in 客一個個都早過我哋拎係點解，流程同邏輯都極有問題。