Chibee Chicken and Beer (Closed)

見都幾多人推介呢間餐廳,而且排行榜亦榜上有名,有款羅勒芝士忌廉炸雞都幾特別,但價錢都唔便,不過未係其他餐廳見過,決定要黎試下上到去都預左要等位,但等位個環境都幾差,又熱又迫,不過其實留左電話可以一路行街一路等都得,等左40min終於有位!我地坐bar枱,但坐左成分鐘都無人比餐牌,等左咁耐又無人理真係有少少燥幾經辛苦終於叫左4様野食果汁味濃,易入口,但燒酒味都濃,飲酒既人應該都唔會覺得無酒味,本身黎到見到得半jar覺得有d呃錢,飲落原來幾多下,兩個人勉強飲得哂叫個陣以為係焗既,點知黎到係d泡菜芝士沙津醬係面,有d失望,但都幾好食,辣辣地幾惹味,薯角熱辣辣,唔錯既小食咸咸地,反而醬油味幾濃,所以撈埋年糕食d醬汁都夠味,底有d索哂汁既菜好好食價錢都有d貴,但炸雞份量都多有十零舊而且無骨啖啖肉,亦無炸到油淋淋,表面乾身入面juicy個醬偏重奶味同芝士味,有少少香料味令個醬更特別,用個火爐仔上keep住熱唔會凝固野食幾好食,價錢中上,侍應大部份係韓國人,除左一開頭無俾menu之外其餘都ok既,但如果次次都要等咁耐就有d怕怕啦~