Dirty Skillet

Open Now

Now Closed

餐廳裝修得既夢幻又有特色，環境寬敞開揚，一入門口就見到以旋轉木馬設計為藍本既座位，牆上更有唔少靚靚畫作，充滿藝術感💕 不論係環境、餐具及食物，都設計得好有心思👍🏻 而且店員仲好好服務呢～❀ 墨西哥脆餅配四川麻辣手撕雞 🌮Taco好香脆，裏面包住牛油果醬、酸忌廉、蕃茄、生菜及雞肉，非常滋味🥰 手撕雞嫩滑，麻辣帶香，配搭得唔錯呢❀ 火焰芝士 🧀上枱後店員會在芝士上倒入冧酒並點燃，即場表演打卡一流既火焰效果😍 芝士味濃郁，上面酸酸甜甜既杏脯醬能中和一下油膩感，仲可以夾埋麵包一齊食，好邪惡🤤 芝士控必試！❀ 意大利布袋芝士薄餅 🍕薄餅中間有一大球布袋芝士，影完相後店員會將芝士切開六份，平均分佈在每塊薄餅上。Pizza烤得香脆又帶點焦香味，上面仲有Parma ham，夾埋軟滑既水牛芝士食，味道香濃，份量好多～❀ 梳乎厘奄列 🍳份量好驚人，超級巨型😍 蛋香味突出，鬆軟綿密，空氣感十足，配以甜甜既忌廉令人食唔停口，係必叫既甜品之一，食得好滿足😋 ❀ Fresh Mango Lime Soda 🥭飲品上有半個切粒芒果，賣相吸引又好香甜～依杯由芒果、青檸、菠蘿汁及梳打製成，芒果味香濃，酸酸甜甜又清爽❀