等你 _ _ (Closed)

以前食台灣野永遠只會唸起西環，依家筲箕灣都有台灣野食唔洗走到咁遠！食既時候差唔多夜晚830，依然係坐滿曬人，好旺場啊！好彩唔洗等位！佢有套餐可以揀，一個主食+野飲+小食。主食揀左滷肉飯同牛肉面。兩樣都係食台灣野必食既！滷肉飯份量都算大碗，有一條菜同半隻滷蛋，個飯一黎到好大陣八角既味！食落唔算太肥，d肉好軟熟，因為唔係好油所以食落一d都唔覺得好漏！牛肉麵有4片牛肉，好霖好好食啊d牛肉，麵唔會煮得太爛，整體黎講都唔錯！小食揀左鹽酥雞，臭豆腐，另外加15蚊要多個大腸！跟餐得兩件鹽酥雞，望落就好大舊喇，但大部分都係炸粉，雞肉得好小，所以麻麻地！招牌臭豆腐果然係招牌，聞落唔算好臭，食落新鮮炸好，好好食啊！加埋甜醬同辣醬黎食，令到個臭豆腐再上一層樓！唔好睇小隔離個椰菜啊，佢係殗椰菜黎，脆得黎酸酸地，開胃得黎食得多炸野既話食呢個好解膩啊！而且仲解左臭豆腐個臭味，呢個有驚喜！大腸一黎到嚇親，冇唸過加15蚊個份量會咁多！全部都大舊，賣相好靚，可惜好睇唔好食，雖然好夠味，但實在係好韌，咬極都咬唔爛，要細細啖咁咬先吞到。