點籽冰室 (Closed)

今日難得放假，所以同老公落咗樓下點籽冰室食咗個早餐我老公叫咗個多士餐可以揀兩款醬，（可以揀煉奶，牛油，果jam 或者花生醬）佢就揀咗煉奶加牛油，牛油同煉奶嘅比例非常好多士都哄得啱啱好,好脆，除餐附送熱檸茶。我想食健康啲，就嗌咗個素食之選，鮮茄蘑菇奄列配牛角酥，茄汁豆 ，加$6就有一個迷你火腿通粉超抵食！！牛角酥超鬆化，咬落去脆到卜卜聲！鮮茄奄列個蛋炒得好滑，又好足料夠晒味！加$9仲嗌咗個特飲紅豆冰！紅豆冰好有懷舊嘅味道，又唔會太甜好正😊總括嚟講早餐非常抵，又好食，我同老公都食到好飽係一個性價比好高嘅早餐☺️