學利 (翠屏花園商場)

Open Now

Now Closed

和家人二人食晚飯，因為今日實在太大雨，也無心機在家煮食，也沒有心機去咁遠食，唯有去家附近食完就算啦。呢間學利魚蛋位於大埔翠屏商場地下，都真係開左好多年。我地大約下午5點50分來到，無咩人。見到餐牌寫有下午茶到6點，但原來只係適用係星期一至五，星期六原來無的。(1) 五香牛腩米線: 五香味幾濃，亦好鍾意佢地會另外加好多蔥和乾蒜令到成個米線味道更加豐富。牛腩算係淋，容易咬的，但要睇佢的唔同切法。佢有幾舊牛腩切得較細，就容易咬一啲，有啲牛腩位會夾埋啲牛筋就更加好味，但有1舊牛腩切太大，而且較為硬同乾，最後都食剩左呢舊。(2)炸魚蛋米線: 呢個係佢地較出名的食物，個炸魚蛋外型好得意，大大粒、隋圓形，咬落去好爽口，而且呢個係清湯底，反而覺得淡淡地，更適合大雨天時候食。(3)腐乳通菜: 呢個都幾好食，個菜基本係新鮮無渣，個腐乳味道都唔錯。食完成餐飯都係大約用左30分鐘左右，天氣唔好，無咩心機食飯，呢個也是不錯之選擇。