Video
Read full review
2023-04-26
100 views
🔸️AERA📍灣仔史釗域道6號地舖 收工食好啲，同朋友黎試下呢間新開簡約派fine dining 先🤭 自己只有一次食真。fine din 經驗，個時係法國，感受好正又好食，但食到有啲眼瞓係真🤣香港難得價錢公道同閨蜜體驗下都係件開心事。 呢間係每道菜都係由廚師介紹一下個菜式，材料，idea ，比我呢啲小食客有更多既知識 今次係由（二廚？）呀聰為我地介紹： 🗨 Amuse Bouche 餐前小食（三款） 個擺設走向木炭系既簡約風，食物就會係東西合壁既設計。分別有春捲，甘荀撻，蜂蜜吐司。沒有先後次序，但蜂蜜吐司係甜，建議放到最後食。春捲入面有椰絲，咸咸甜甜，激活味蕾。甘荀撻細細件，但都做到好精緻，酸酸地，幾開胃。最鍾意呢個吐司， 浸滿咗蜂蜜但又做到外脆內軟，on top有pecorino，唔會有強烈既味道但多份咸奶香，非常好味。 🗨 Starter 頭盤 - 驚喜奶凍 奶凍上面擺得靚靚既有魚子醬同小花，奶凍底藏有小青口，食落好特別既感覺，係咸甜版Panna cotta，個idea就似日式蒸雞蛋，味道非常討好！ 🗨 Bread - 麵包呢個係我食過最好食既sourdough bread 🥹佢外
📍灣仔史釗域道6號地舖
收工食好啲，同朋友黎試下呢間新開簡約派fine dining 先🤭
自己只有一次食真。fine din 經驗，個時係法國，感受好正又好食，但食到有啲眼瞓係真🤣香港難得價錢公道同閨蜜體驗下都係件開心事。
呢間係每道菜都係由廚師介紹一下個菜式，材料，idea ，比我呢啲小食客有更多既知識
今次係由（二廚？）呀聰為我地介紹：
🗨 Amuse Bouche 餐前小食（三款）
個擺設走向木炭系既簡約風，食物就會係東西合壁既設計。
分別有春捲，甘荀撻，蜂蜜吐司。沒有先後次序，但蜂蜜吐司係甜，建議放到最後食。
春捲入面有椰絲，咸咸甜甜，激活味蕾。甘荀撻細細件，但都做到好精緻，酸酸地，幾開胃。最鍾意呢個吐司， 浸滿咗蜂蜜但又做到外脆內軟，on top有pecorino，唔會有強烈既味道但多份咸奶香，非常好味。
🗨 Starter 頭盤 - 驚喜奶凍
奶凍上面擺得靚靚既有魚子醬同小花，奶凍底藏有小青口，食落好特別既感覺，係咸甜版Panna cotta，個idea就似日式蒸雞蛋，味道非常討好！
🗨 Bread - 麵包
呢個係我食過最好食既sourdough bread 🥹佢外面係非常脆，有啲厚度，內面好有彈性同有一定既濕潤度。向侍應提問，佢地既麵包係每日新鮮做，全部自家發酵同烘焙， 每日要提前烘焙同比足夠時間去rest先做到甘既效果。 佢哋用辣根醬代替平時嘅牛油，辣根即係wasabi嘅替代啦，醬味調教岩岩好，食落唔會好攻鼻。 好希望佢哋可以出自家烘焙嘅麵包，一定買爆佢😄
🗨 2nd Starter - 意大利雲吞
平時食開既Tortellini一般都配比較杰既汁，不過佢地安排即場斟熱湯，有儀式感。
個湯係牛肝菌湯，非常香既菇菌味，雲吞皮都做到煙韌呢。
🗨 3rd Starter - 香烤雞脾
賣相有啲沖擊， 但滿足到徒手拎起食雞髀嘅感覺🤭 雞髀燒到油脂冇曬， 再搽上麥芽糖燒至脆皮， 肉嫩多汁。 為咗解除油膩感，餐廳配上一杯檸檬汁，非常貼心！
🗨 4th Starter - 椰菜冚海膽配馬友
馬友平時知道用黎做咸魚，今次係香煎配上海膽同椰菜，每樣材料都有不同既口感，不錯～
🗨 Main - 主菜 (share)
乳鴿肉 - 乳鴿味濃，旁邊都有乳鴿脾仔，on top 有南瓜蓉同nuts
🗨 Main - 主菜 (share)
A3 和牛西冷配松露片及米餅 - 食落唔係成口油既感覺，有啲似封乾肉，但夠淋身，配上松露片，米餅同醬汁增加口感，但我鍾意分開食🤭
之後由待應介紹甜品：
🗨 Pre-dessert 前甜點 - 冰凍藍莓雪芭茶
雪芭配茶好清新，幫個口腔清一清佢先。佢地用既茶做Kombucha 康普茶，睇下啲資料先知係紅爆既健康茶（減肥？！）我都幾鍾意食酸味味既味道，仲零負擔，一流！
🗨 Dessert 甜點 - 泡泡脆雪糕
唔好睇個樣平平無奇，佢個泡泡下面，藏左脆脆同雪糕，又係有驚喜，奶茶雪糕好好食😌😌
🗨 Petit Four 小糕點
最後既甜點，分別有Madeleine mini cake，外脆內軟，微甜；脆身棉花糖；意大利青瓜，非常甜，係糖冬瓜啲friend；馬來西亞糕點，有啲似綠豆餅。
總體感覺唔錯，我地無叫wine 但侍應都留意住我地既需要斟水， 亦都有足夠空間畀我哋去傾計，服務唔錯。
加埋一大約$1300一位，其實傾計食飯一流！見臨走時見到餐廳外面貼左lunch menu ，價位係$178-336，可以淺嘗一下～
Post
