上海姥姥 (康怡廣場北座)

Open Now

Now Closed

同媽行完Aeon，就行去康怡廣場食晏，今次好想食上海嘢，於是揀咗食上海佬佬，入到去坐低，職員見到我哋個手袋都幾大，就攞咗個籃俾我哋放手袋。跟住我哋就開始睇餐牌，然後用自己手機Scan QR code 後就可以開始點餐，而我哋就點咗一個雪菜肉絲炒年糕$74，一個魚湯魚肉雲吞拉麵$65，等嘅期間，我哋都覺得啲茶好好飲，好滑好香。 大約10分鐘就有得食啦，首先雪菜肉絲炒年糕，年糕炒得好彈牙，味道亦啱啱好，肉絲都好嫩口，至於魚湯魚肉雲吞拉麵，湯底亦唔會好油，水餃皮薄餡多，好味道，兩樣都感覺係少鹽少油，份量又啱啱好，唔會太少亦唔會太多。總結：食物水準高，食客相對都好多，不過職員服務就一般般。