53
14
12
(Non-member)
0
0
算係有少少特色的巴閉地頭蟲食肆
2009-09-27 49 views
住左粉嶺五年都冇黎過, 但見過門口擺滿私家車, 都知應該有d老饗黎搵食. 今晚冇出城, 上openrice見到幾多好評就不妨一試.我地六點就到, 知道呢d時間實有位, 但老闆娘聽到兩位又冇訂台都唔係咁想招呼, 將我地丟到最入面的一張窄窄的四人台(如果四個人坐係好迫), 旁邊就係放污糟碗碟的大盤細盤, 所以成餐飯都會聞到陣陣異味. 不過算啦, 一心想黎試新野, 我地都好識做, 諗住拿拿林點菜食完就走, 費事阻人發達(六點十五分門口已有人等位).點左五樣野:1) 炒魚面: 基本上除左魚面係冇其他餸既, 只有洋葱, 少少蛋, 芹菜, 紅蘿蔔絲, 味道ok, 叫做係出面食唔到, 魚面都爽口, 但其實冇咩特別.2) 自製魚腐浸時蔬: 餐廳只供應菜心同津白, 所以揀左津白. 湯好咸, 味道冇乜特別, 唔會難食亦唔覺得好食.3) 砵頭白飯: 特色地方係跟一枝豬油同豉油上. 我地怕死, 只落左幾滈豬油, 少少豉油. 味道唔覺有何特別.4) 自製黃酒炒雞: 當晚主菜, 但卻係我地食晒所有野都未黎, 要催. 味道幾甜下, 有少少酒香, 雞件肥但滑, 算係ok好味.5) 大啤酒一枝一餐咁既飯, 只係新界地
Read full review
住左粉嶺五年都冇黎過, 但見過門口擺滿私家車, 都知應該有d老饗黎搵食. 今晚冇出城, 上openrice見到幾多好評就不妨一試.
我地六點就到, 知道呢d時間實有位, 但老闆娘聽到兩位又冇訂台都唔係咁想招呼, 將我地丟到最入面的一張窄窄的四人台(如果四個人坐係好迫), 旁邊就係放污糟碗碟的大盤細盤, 所以成餐飯都會聞到陣陣異味. 不過算啦, 一心想黎試新野, 我地都好識做, 諗住拿拿林點菜食完就走, 費事阻人發達(六點十五分門口已有人等位).
點左五樣野:
1) 炒魚面: 基本上除左魚面係冇其他餸既, 只有洋葱, 少少蛋, 芹菜, 紅蘿蔔絲, 味道ok, 叫做係出面食唔到, 魚面都爽口, 但其實冇咩特別.
2) 自製魚腐浸時蔬: 餐廳只供應菜心同津白, 所以揀左津白. 湯好咸, 味道冇乜特別, 唔會難食亦唔覺得好食.
3) 砵頭白飯: 特色地方係跟一枝豬油同豉油上. 我地怕死, 只落左幾滈豬油, 少少豉油. 味道唔覺有何特別.
4) 自製黃酒炒雞: 當晚主菜, 但卻係我地食晒所有野都未黎, 要催. 味道幾甜下, 有少少酒香, 雞件肥但滑, 算係ok好味.
5) 大啤酒一枝

一餐咁既飯, 只係新界地道小廚, 兩人落樓over $250, 有點物非所值. 客家菜雖然話有特色但都係粗野, 我又唔覺佢真係有咩咁巴閉要收咁貴. 最後老闆娘豪邁地將找續俾我果三蚊丟在櫃台面, 叫做試過, 唔會有下次.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2009-09-27
Spending Per Head
$257 (Dinner)
Recommended Dishes
  • 黃酒煮雞可以一試