Rico Rico

Open Now

Now Closed

前幾日朋友生日，諗住揀間靜得黎又有氣氛嘅餐廳，但價錢又唔好太貴。於是就搵咗圓方入面嘅一間西餐廳。呢度嘅座位好寬敞，而且裝修好高級，節日慶祝就最適合不過👍🏼 食物款式選擇都多，而且仲有free flow drink可選擇。最後我地order咗個二人餐，$598兩位就有頭盤、餐湯、主菜、甜品同飲品啦！餐廳係南瓜湯，香濃幼滑。頭盤係西班牙火腿配芝士拼盤，頭盤份量比想像中多，平時食一個cheese platter都要二，三百蚊。主菜揀咗大蝦意粉同埋西冷牛扒，意粉香濃，多汁又惹味，非常開胃。牛扒生熟度剛好，肉質鮮嫩。甜品嘅雪糕亦唔差，夠晒香滑。埋單連埋加一都係六百幾蚊，請埋朋友食都唔心痛，最適合節日慶祝或者同朋友聚餐。