慕茶 (Moved) New Location

上午開完會，匆忙在附近用個午餐，走到一間環境企理的樓上餐廳，內部佈置簡潔，坐位亦舒適，無迫夾感，坐落時已點半後，大多數人客都走得七七八八了。凱撒沙律（HKD15)凱撒沙律有標配羅馬菜，煙肉碎，烤面包粒，食材新鮮可口。黑松露煙三文魚天使麵（70）天使麵幼滑夾埋黑松露清香，入口特別舒服，煙三文魚仲伴隨芝士碎。蟹籽帶子抹茶鮮蝦忌廉意粉（78）上碟很有美感，鮮蝦够大隻，蟹籽又多，色彩繽紛，食落都好味，意粉就一般般。午餐餐飲是免費自助形式，在一角放有啡茶檸檬奶糖等任君選擇。