自由麵食 (Closed)

今日同肥髀游完水，搵地方醫肚，好耐無食雲呑麵，銅鑼灣通常就近去呢間，地方係小店，地方算乾淨企理，我叫咗一碗雲吞麵（$22），一碗水餃麵（$22），一碟魚皮（$13），一枝芬達（$7），一包菊花茶（$7），食物好快上枱，雲呑大粒，蝦仁爽口，麵底比較硬身，不過可接受，水餃略為包得鬆！不過好足料，湯底都香，魚皮份量足，二都好大塊，不過好硬，唔係脆，浸咗湯都無乜幫助，幸好無油溢味，肥髀最開心可以飲汽水，而家飮到支裝汽水嘅地方越來越少，值得一提，雖然企堂叔叔唔算殷勤，因為我唔飲凍飲，佢特登走入后面攞一包唔凍嘅菊花茶比我！加分！