鮨見 (Closed)

又到左每個月一次獎勵自己嘅時間，今次朋友帶咗你食omakase, 因為每次都有廚師去發板，所以都係充滿驚喜同期待！我哋選擇咗呢一個set基本上我哋都係圍住廚師嚟坐，但如果想獨立空間感大啲，佢哋都有一個廂房，私隱度高啲。呢個就係多萬嘅師傅，全程大部份用日文同職員溝通，間唔中都會同我哋用英文講下笑，個人幾好幾得意。呢一個蒸蛋好滑，蛋味好香！上邊仲有一塊海膽！加添鮮味！第一份刺身係雞魚，食落好似真係有少少雞味，肉質小小鞋，點柚子醬食好開胃。深海池魚好甜好香又滑！藍鯨拖羅師父話係當晚特別俾我哋，平時冇的。食落去真係入口即溶，好鮮！鯛魚好甜又滑。金目鯛左口魚配辣蘿蔔蓉同酸汁，好開胃，肉質好彈牙好新鮮！蠔壽司我係第一次食，蠔細細隻但好肥美，而且好甜好滑！三文魚籽大大粒漲卜卜，好鮮味！海膽亦都冇令我失望，好creamy!!呢一餐真係好豐富好滿足！廚師態度十分好，時不時都問我地覺得點，又同我地交流下！食材新鮮味美！大飽口福！