Video
Read full review
2020-04-23
120 views
觀塘工業區寫字樓附近搵食， 往往都人頭湧湧。朋友介紹 這間 cafe西餐廳地鐵站口一出就到， 好方便就腳。觀塘工業中心第三期，見到個牌行上一層樓梯就係。門口招牌係一大片青綠色草地，裏面都好有田園feel～餐廳中午時間係半自助午餐形式， 每款$62， 已包括自助食物。 餐廳其中一邊擺放着 自助食物：湯， 沙律， 點心， 生果，甜品。 當然種類唔算多， 但每款做得好吃美味。 衛生設施也做足， 入門口要量體溫和消毒雙手 ，自取食物範圍都一定要戴上口罩， 而且不能同時多過四個人。各款沙律都有用蓋蓋著， 下面放冰墊， 擺放得乾淨衛生亦夠凍。今日嘅湯係中式冬瓜湯 ，簡簡單單夠清潤。沙律材料蘿蔔絲，青瓜絲， 薯仔蘋果沙律， 支豆，車厘茄。。 新鮮健康。自助飲品有糖凍檸檬茶， 有新鮮檸檬提供，自製一杯熱檸茶也不錯。新鮮水果有木瓜和西瓜。蒸菜肉包，旺菜。甜品有朱古力卷蛋， 大菜糕， 味道唔錯㗎！五香肉丁出前一丁， 再配上炸魚皮， 好有創意！ 魚皮係脆㗎！Cafe 再加茶餐廳嘅feel! 仲配有香脆牛油多士， 好鍾意佢嗰陣酥酥地嘅牛油香， 係茶餐廳嘅獨有～仲有煎香嘅煙肉，👍👍 。 成個餐超讚！ 小朋友都成
觀塘工業區寫字樓附近搵食， 往往都人頭湧湧。
朋友介紹 這間 cafe西餐廳地鐵站口一出就到， 好方便就腳。
觀塘工業中心第三期，見到個牌行上一層樓梯就係。
門口招牌係一大片青綠色草地，裏面都好有田園feel～
餐廳中午時間係半自助午餐形式， 每款$62， 已包括自助食物。 餐廳其中一邊擺放着 自助食物：湯， 沙律， 點心， 生果，甜品。 當然種類唔算多， 但每款做得好吃美味。 衛生設施也做足， 入門口要量體溫和消毒雙手 ，自取食物範圍都一定要戴上口罩， 而且不能同時多過四個人。
各款沙律都有用蓋蓋著， 下面放冰墊， 擺放得乾淨衛生亦夠凍。
今日嘅湯係中式冬瓜湯 ，簡簡單單夠清潤。
沙律材料蘿蔔絲，青瓜絲， 薯仔蘋果沙律， 支豆，車厘茄。。 新鮮健康。
自助飲品有糖凍檸檬茶， 有新鮮檸檬提供，自製一杯熱檸茶也不錯。
新鮮水果有木瓜和西瓜。
蒸菜肉包，旺菜。
甜品有朱古力卷蛋， 大菜糕， 味道唔錯㗎！
五香肉丁出前一丁， 再配上炸魚皮， 好有創意！ 魚皮係脆㗎！
Cafe 再加茶餐廳嘅feel! 仲配有香脆牛油多士， 好鍾意佢嗰陣酥酥地嘅牛油香， 係茶餐廳嘅獨有～
仲有煎香嘅煙肉，👍👍 。 成個餐超讚！ 小朋友都成個食曬。
豉油雞粒炒飯
好在分量唔算多，因為之前吃了一輪沙律～
炒飯惹味，再加隻煎滑蛋， 鹹鹹哋嘅豉油炒得夠香！
食到最後， 突然送上咗一碗自家製作酒釀丸子😍 ， 丸子細細粒粒又煙韌， 熱辣辣唔會太甜夠暖胃！ 很有驚喜～
餐廳好有heart, 用有限資源提供簡單美味自助食物， 又存放得乾淨整齊。
Post
