老厝邊

Open Now

Now Closed

一直都知道大角咀嘅老厝邊好出名，但對於我黎講就唔係太方便啦。見到佐敦原來都開左老厝邊，就決定試下。超濃芋泥起司蛋餅芋泥超級順滑綿密，好香嘅芋頭味，食落好香甜 。芝士亦都熱到流心，仲有肉鬆嘅鹹香，加埋芋泥嘅味道鹹甜鹹甜，味道好豐富。蛋餅本身都充滿蛋香，好推薦叫呢個蛋餅試吓。酥炸排骨滷肉飯排骨超級大塊，炸到好香脆。另外滷肉都好肥美，充滿油香。仲有啲粟米粒同青菜做配菜平衡番，食落去唔會太油膩。香蔥油嫩雞乾拌麵雞肉食落同望落都又白又嫩滑。蔥油味道好香，好適合拌麵。蜂蜜檸檬愛玉加仙草蜂蜜檸檬夠消暑開胃，愛玉同仙草都係係比較健康嘅選擇。