水門雞飯 (蟾宮大廈)

Open Now

Now Closed

早兩日經過tst好肚餓，同媽咪入咗水門雞飯，大家減肥唔想食咁多飯，就叫咗半隻雞、一碗黃油飯share、沙嗲雞肉同埋豬肉串燒~水門雞飯同泰國食嘅竟然無乜大分別，雞肉好滑，超重雞味，一啲都唔肥，連我唔鍾意食雞皮嘅人都食得落啲雞皮，加上啲醬汁，酸酸甜甜，係清新又好食嘅感覺，食到停唔到口。黃油飯係我最愛，好香好香，加埋啲雞都酸汁，如果唔係減肥應該會encore多兩碗。雞肉有埋雞雜，我就唔食內臟嘅，但母親大人話好香～沙嗲雞肉同豬肉串燒都好香口，燒得啱啱好，雞肉好滑，又唔會太油。相反豬肉就比較鞋口。埋單都係150蚊左右，抵食之選。