Video
Read full review
2015-01-21
3439 views
2015年1月19日朋友今日返黎九龍城同我食LUNCH，咁就去昌發食碗泰國湯麵啦^^記得第一次黎食就係喺另一位朋友極力推介之下黎食嘅。佢話呢間嘅豬手麵係非一般好食，而我又好鍾意呢啲肥嘟嘟同膠質特別豐富嘅物體，咁我冇可能唔試下嫁嘛。我仲記得第一次食嘅係豬手撈麵......話說回來，今次我食左豬手湯麵，而麵有兩種可以揀，一係河粉，一係金邊粉。因個人喜好，我揀左幼細滑嫩的金邊粉^^碗麵到啦！熱辣辣！雖然係豬手，但d湯一d都唔肥。索哂湯的金邊粉上面鋪左軟滑入味的豬手肉同皮，真係好吸引^^ 飲淡湯，感覺上冇味精，未飲之前以為會好濃味，但係事實相反，個湯幾清，唔花巧，係一種家常味道。朋友話呢d係泰國的鹵水汁，如果係真的話，咁同我地食開的味道真係完全唔同，味道簡簡單單，唔咸，飲完都好舒服，我覺得有d似肉骨茶(？) 價錢平實，餐牌上有好多選擇，唔食麵又可以揀飯，小食、沙律、煎炒野都有。唉呀呀~~~我又要搵日食多一次先 ^^
朋友今日返黎九龍城同我食LUNCH，咁就去昌發食碗泰國湯麵啦^^
記得第一次黎食就係喺另一位朋友極力推介之下黎食嘅。佢話呢間嘅豬手麵係非一般好食，而我又好鍾意呢啲肥嘟嘟同膠質特別豐富嘅物體，咁我冇可能唔試下嫁嘛。我仲記得第一次食嘅係豬手撈麵......
話說回來，今次我食左豬手湯麵，而麵有兩種可以揀，一係河粉，一係金邊粉。因個人喜好，我揀左幼細滑嫩的金邊粉^^
碗麵到啦！熱辣辣！雖然係豬手，但d湯一d都唔肥。索哂湯的金邊粉上面鋪左軟滑入味的豬手肉同皮，真係好吸引^^ 飲淡湯，感覺上冇味精，未飲之前以為會好濃味，但係事實相反，個湯幾清，唔花巧，係一種家常味道。朋友話呢d係泰國的鹵水汁，如果係真的話，咁同我地食開的味道真係完全唔同，味道簡簡單單，唔咸，飲完都好舒服，我覺得有d似肉骨茶(？) 價錢平實，餐牌上有好多選擇，唔食麵又可以揀飯，小食、沙律、煎炒野都有。唉呀呀~~~我又要搵日食多一次先 ^^
Post
