籠太子點心專門店 (Closed)

銅鑼灣一向都西式日式嘢食多，今次就試下鬧市中嘅中式點心先！原隻鮑魚燒賣$34-鮑魚細細粒好有味，豬肉同蝦餡比例剛好鮮蝦燒賣皇2粒 $15-少咗鮑魚都一樣好食！蝦餃皇2粒 $15-皮夠薄，包住嘅蝦大大粒好飽滿多汁小籠包 $24-皮薄餡靚，內裡超多汁💦金魚餃 $30，超得意，又橙又綠咁整得幾真四寶雞扎 $29-鮮竹將雞肉、魚肚同火腿扎埋一齊蒸，好香，啲雞肉好滑嫩帶子腸 $29-帶子好鮮甜，不過就唔夠咸，可以沾多啲豉油食流沙奶皇包 $25-蒸得啱啱好亦夠流心鳳爪排骨飯 $30-鳳瓜炆得入味，甜豉油加索曬肉汁嘅飯超正呀！夜晚食兩人埋單都係約$240超抵呀！