Video
Read full review
2023-11-06
3394 views
今年嘅結婚3️⃣週年🥳，同老公嚟到呢間米之蓮3🌟嘅法國餐廳，感受一下fine dining係咩感覺，我哋提咗1個月訂位食晚餐要留$1000做訂金，而餐廳有衣著要求，一定要跟返指示做💁🏻♀️，餐廳環境好靚以黑色為主⚫️，仲有啲掛畫同花襯托成個環境💐，而我地今次揀左9️⃣道菜式，初時覺得法國菜份量咁少一定唔夠飽，點知原來我哋諗多咗😂。上菜之前送咗一盤麵包🥖，職員好用心介紹有邊8款口味嘅麵包，啱晒鍾意食麵包嘅我，如果食唔晒仲可以打包返屋企☺️。餐前小食Le Caviar Imperial de Sologne面層用咗椰菜花整成cream 口感好滑，中間有魚子醬同龍蝦啫喱。La Saint-Jacques椰子泡沫配上北海道帶子，旁邊係綠咖喱帶子上面有啲香草醬再配埋食用花做點綴。L'Œuf de Poule溏心蛋配白松露片及煎珍珠米餅，最底層係蟹肉餅。Le Homard龍蝦爽口彈牙配埋醬汁食好濃郁，另外職員教我地可以拎啲麵包沾個醬一齊食好好味😋。Le Black Cod黑蒜汁同鱈魚味道好夾煎得好香 ，魚肉好嫩滑唔洗點用力咬係口入面融左，值得一試！Le Bœuf慢煮牛肉再配上鵝肝一齊食入口即融超好食🥹，另外點
上菜之前送咗一盤麵包🥖，職員好用心介紹有邊8款口味嘅麵包，啱晒鍾意食麵包嘅我，如果食唔晒仲可以打包返屋企☺️。
餐前小食
Le Caviar Imperial de Sologne面層用咗椰菜花整成cream 口感好滑，中間有魚子醬同龍蝦啫喱。
La Saint-Jacques椰子泡沫配上北海道帶子，旁邊係綠咖喱帶子上面有啲香草醬再配埋食用花做點綴。
L'Œuf de Poule溏心蛋配白松露片及煎珍珠米餅，最底層係蟹肉餅。
Le Homard龍蝦爽口彈牙配埋醬汁食好濃郁，另外職員教我地可以拎啲麵包沾個醬一齊食好好味😋。
Le Black Cod黑蒜汁同鱈魚味道好夾煎得好香 ，魚肉好嫩滑唔洗點用力咬係口入面融左，值得一試！
Le Bœuf慢煮牛肉再配上鵝肝一齊食入口即融超好食🥹，另外點埋個紅酒醬汁食好正。
Le Parfum des Iles甜品用咗熱情水果做個cream、琥珀蘭姆酒、椰子、椰汁，口感好滑之如食到底層好濃嘅酒味。
La Noisette用咗朱古力做個外殼，裏面係朱古力慕斯霸配埋果仁同柚子醬一齊食口感好豐富，好濃郁嘅朱古力味。
Post
