Joyful Dessert House (Closed)

之前聽說Joyful 向銅鑼灣開咗分店，向旺角已經一向時常光顧，不過一到夜晚總要等位，襯新開張未有太多人知道，立即拖老公去試下水準如何先。地點尚算方便易搵，向銅鑼灣廣場二期附近。店內裝修精緻，格局光猛。老公最愛食甜品，由於太多選擇，又見佢心大心細唔知叫款好，最後2個人都係order咗3款甜品一齊share 食，好好滿足下佢呢個甜品迷。伯爵茶奶凍奶凍香甜creamy , 伯爵茶味非常香濃，配上雲尼拿味雪糕，真係勁滋味。紫薯心太軟伴雪糕平時一向食朱古力味，今次特別地揀紫薯味試下，紫薯味濃郁，蛋糕皮脆脆的，伴上香滑軟綿嘅香芋雪榚，味道唔太甜，仲比朱古力味好吃好多呢！夏天就到，所以都新出咗一系列嘅夏日甜品。菠蘿四重奶凍每層嘅層次都好鮮明，先有頂層嘅菠蘿味雪糕，雪糕質地好軟綿，有別於平時食開嘅雪糕口感，十分之喜愛。之後到菠蘿肉+菠蘿汁，椰子味奶凍，最後到菠蘿味啫喱，菠蘿汁加埋奶凍，啫喱一齊食，味道啱啱好，唔太甜但又好重菠蘿味，好清新又消暑。果然無令人失望，超滿足嘅飯後甜品，下次一定要再約埋其他朋友試多啲唔同口味嘅甜品先。