Joyful Dessert House (Closed)

之前在其他地區吃過它的分店，覺得蠻喜歡，因此今天便又再光顧了。這家店的位置相當方便，吃完甜品走三分鐘便可到達地鐵站乘車回家了，對於尾場甜品店來說絕對是一個優點😝說回這個拿破倫蛋糕，真的脆到無朋友——因為它實在太脆了，很難用刀將它切開數份與朋友分享，只好自私獨食了。初時看到那麼多忌廉怕會很快便不想吃，但結果出乎預料並沒有。我想它的雪糕和伴碟生果應記一功。入座時店員會提供清水，盛載的是色彩繽紛的杯。我想店主的確是希望大家走進店內後感受到店名的意思——喜樂（joyful)，因此這些小節都照顧到了。

食完飯當然唔少得食甜品啦！呢間甜品花款多多，有窩夫、心太軟、芭菲、拿破崙、疏乎厘等等！紫薯窩夫呢個窩夫粉漿都混入左紫薯，份外有紫薯味道！窩夫即叫即製熱辣辣，食落口感外脆內軟，配埋紫薯雪糕同紫薯薯蓉，將紫薯味再加倍升級，確係紫薯迷必叫😻菠蘿金寶拼菠蘿扒蛋糕成個甜品用菠蘿🍍做主題，每樣配料都用咗菠蘿做餡，確實有心思👍🏻菠蘿扒面頭有焦糖烘脆，配上清甜嘅菠蘿口味雪糕🍦而用菠蘿代替左蘋果既菠蘿金寶我都係第一次食，感覺幾清新。

我和朋友一共兩人，我哋一個叫左紫薯窩夫，一個叫左香蕉朱古力拿破崙紫薯窩夫：窩夫裏有紫薯蓉，口感不錯，不會太”淋”，旁邊紫薯蓉頗有香味，味道不假也不甜，但是紫薯味雪糕球我認為溶化速度有些快，很快形成水形狀。香蕉朱古力拿破崙：拿破崙的口感鬆脆，伴隨著奶油吃下去，也不會感到口感油膩，我覺得賣相挺精緻。環境：店舖裝修不錯，牆壁上的塗繪也很可愛，座位乾淨，我認為店舖雖細，但座位空間還算足夠。食物質素不錯，會再來光顧

食完飯還未夠想搵個地方再嘆，這裡又係一個好地方，主打食甜品，還攞個米芝蓮嘅獎，除甜品外亦有不同款式嘅飲品，三五知己要搵個地方吹水推介，今晚就點了個芒果拿破崙$64，米芝蓮推介之一！而晚上8:00後入座點了一個甜品後還可以半價在餐牌上點任何飲品，當然都點了一杯水蜜桃沙冰$20，有飲有食絕對開心！水蜜桃沙冰，水蜜桃味道香濃，沙冰細滑，一啖入口夠晒透心涼！而個米芝蓮之選芒果拿破崙有三層酥皮，上面就放了鮮芒果肉，碟旁亦有鮮甜芒果肉外，再配埋一個芒果味道嘅雪糕球，酥皮香脆，夾埋啲Cream 入口夠晒香脆軟滑，而雪糕亦好夠芒果味道，呢個組合真係一個唔錯嘅選擇！

20181007 Sunday 在中環食完午餐，落到銅鑼灣口痕痕，想搵甜品食，記得自己之前食過一間甜品舖在地舖，JOYFUL由2016🎖️2017🎖️ 及 2018🎖️ 連續三年獲米芝蓮香港街頭小食推介，Order (1)朱古力疏乎厘伴雪糕，疏乎厘 媲美酒店，其實應該仲好過五星級酒店👍（2）朱古力香蕉窩夫，如果個雪糕球可以大多少少更好，哈😁哈😁，更加要提一提Waitress 服務態度十分十分好👍因為我睇到枱上面張單，點解杯飲品會收$4,原來下午茶時間 由14：30 至 19：00,選擇一個甜品，就可以送一坏飲品，飲品只限$36之內，如果多個$36就要補差額，Omg... 非常之低，低，低食👍👍👍

食完飯當然要去搵甜品食啦！行左去附近呢間米芝連都推介嘅甜品店，可能由於時間尚早，未有其他客人，我地兩個包場，靜靜地聽住歌食甜品，個感覺真係一流我地叫左個沖繩黑糖Oreo芭菲同朱古力心太軟，芭菲黎到賣相好靚，Oreo粉溝埋忌廉同雪榚好正，仲有黑糖啫哩糖好香，唔覺唔覺好快食晒呢杯芭菲至於個朱古力心太軟，個人意見不過不失，其實個味道係可以嘅，但唔夠朱古力味，同埋個流心唔夠滑，所以我覺得係一般水準啦不得不提服務方面，店員哥哥好好服務又好禮貌，總括黎講呢餐甜品都食得好開心

銅鑼灣晚飯之後覺得仍未盡興，一於轉場去食個甜品先返屋企！我心目中已經有一個米之蓮嘅選擇，就係紅van站附近嘅 Joyful 。每次行過都覺得好吸引！最啱夏天悶熱天氣嘅燒菠蘿雪芭 $56，冰爽又有豐富的菠蘿香味，酸酸甜甜勁開胃。on top 嘅燒菠蘿仲有啲焦糖嘅芳香，值得攞獎！朋友的雲呢拿疏乎厘伴雪糕 $54，賣相好靚攞滿分？雲呢拿味道夠濃郁，疏乎厘空氣感取勝，雪糕軟滑可口！甜品果然令人輕鬆愉快，簡單的品嚐了一頓 joyful dessert!

爆多醬，好流心！甜品我就食得多，但是這間甜品餐廳，我覺得他的甜品味道幾好，而且不會太甜，幾適合好像我這些熱愛甜品，但又怕吃得多會肥的人。這間甜品餐廳是joyful dessert house，打開餐牌，見到綠茶心太軟伴雪糕賣相吸引，所以隨即就叫侍應過來，然後叫一個綠茶心太軟伴雪糕來吃。餐牌寫明焗綠茶心太軟，要須要十幾分鐘，所以我就等了十幾分鐘，然後綠茶心太軟伴雪糕就送到我面前。要等十幾分鐘去焗一個心太軟，我覺得都合理的。侍應給了我一支匙羹，用匙羹一刀切開綠茶心太軟，嘩，爆多醬走出來，綠茶醬不停走出來，哈哈，看著這個情況，感覺很愉悅，哈哈。吃下去，綠茶心太軟甜度剛好，因為平時外邊吃心太軟都會偏甜，但今次這間甜品不會太甜，我幾喜歡的。伴着一起吃的還有紅豆和綠茶雪糕，一向綠茶和紅豆都是絕配的，所以這個甜品我很滿意，味道很夾，口味可口。下次吧，下次我會再來吃其他的甜品，因為我見餐牌還有其他的甜品賣相也吸引。

飯後吃甜品，是常識吧吃完飯之後，當然要去吃一餐甜品。人人都說女人有兩個胃，一個是用來放正餐的，另一個是用來放甜品的，所以我也不例外，哈哈。去了一間叫做 joyful dessert house的甜品餐廳吃甜品。叫了一個綠茶心太軟伴雪糕，這個甜品要$64。沒有加一服務費。綠茶心太軟，真的很好味。平時外邊吃的心太軟都會比較偏甜，但是這間餐廳的心太軟甜度剛好適中，而且又很濃的綠茶味，外邊焗到很脆口，當我一切開這個心太軟，裏面的就好像瀑布一樣流下來。視覺效果很正。哈哈。而伴隨着的綠茶雪糕，綠茶味亦都很重，真心不錯。還有紅豆放在旁邊，哈哈，於是我就將紅豆和綠茶雪糕一起放入口，味道十分之配搭。正。

今晚去銅鑼灣跟老朋友食生日飯。 隨住年紀增長，食量大不如前， 大家決定唔買生日🎂，轉食甜品🍮🍰燒菠蘿雪葩外暖內冷，食飽飯吃消菠蘿有助消滯👍🏻👍🏻👍🏻👍🏻芒果拿破崙伴芒果雪糕平時食拿破崙好多時一叉就成件餅支離破碎，今次可以完完整整分成幾份同老朋友開心分享要俾👍🏻👍🏻👍🏻👍🏻👍🏻香蕉朱古力 Waffle 伴朱古力雪糕Waffle 夠熱夠脆有香濃朱古力味，並不至於得甜味👍🏻👍🏻👍🏻👍🏻店鋪較細，建議如早食完晚飯，八點半至九點到免得排隊

綠茶心太軟好流心啊晚餐在銅鑼灣時代廣場吃完之後，覺得意猶未盡，想再吃一吃甜品。所以就到處看，見到有一間甜品叫做 joyful dessert house 。門口貼了報紙，報紙上寫着米之蓮美食，又有海報寫着連續三年獲米之蓮街頭小食推介，於是我就忍不住走進了這間甜品。我見餐牌上有燒菠蘿雪芭，芒果拿破崙，士多啤梨三重奏，法式焦糖燉蛋伴雪糕，宇治金時芭菲，綠茶心太軟伴雪糕，紫薯窩夫，北海道牛乳綿綿冰，伯爵奶茶奶凍，朱古力疏乎厘伴雪糕，凍忌廉抹茶鮮奶等等，真是有太多甜品選擇啊。所以最後我就選擇了叫綠茶心太軟伴雪糕，64元。這個綠茶心太軟 外邊十分之鬆脆，裏面是流心的，綠茶心太軟 甜度剛剛好適中，不錯不錯。雪糕是綠茶味的，綠茶味很重，而且甜度剛剛好。綠茶心太軟和雪糕中間，還有紅豆和士多啤梨，本來以為紅豆會好甜的，怎知紅豆的甜度也是剛剛好適中。另外，還叫了一杯熱朱古力，36元。熱朱古力很有朱古力味，而且不會覺得很甜，甜度剛好適中。最後賣單100元，整體覺得賣相很好，而且甜品不會太甜，甜度剛好適中。難怪這間甜品會得到米之蓮街頭小食推介。

成日聽人講，食甜品係有第二個胃，而今晚我雖然食完晚飯己好飽，但知道銅鑼灣C出口附近有間叫joyful dessert house.店外的設計用白色磚塊砌，門口旁仲擺放好多精美甜品圖俾你睇餐廳裡面仲用卡通圖案設計甜品，好有創意，而mean都用精緻掃瞄畫成！皇牌拿破崙係必叫之選，有幾種水果口味，我揀左芒果味拿破崙，出場外形好靚，cream加酥皮一層層，延伸旁邊有芒果肉加芒果雪糕球，食上去好鬆化，好香脆！荔枝沙冰，雖然呢個係好普通飲品，但係做到一點也不馬虎，淡淡荔枝口味，冰不會太多味道也不會甜，而且份量也多！所以今晚係満足的

來銅鑼灣行街梗係要搵返間餐廳食下high tea,過一個relax嘅星期六😀經過揀左呢間joyful dessert house選擇多花款，揀左好耐 乜都想試試食親甜品，我都鍾意揀窩夫系列，所以我最後都係揀咗呢個士多啤梨窩夫。室內環境都舒適，牆上面左佢哋嘅鋪頭名同Facebook用et theme都幾得意。下午茶嚟到就有一個甜品🍮一杯嘢飲免費送架。叫咗咖啡配窩夫朋友就叫咗檸蜜配綠茶心太軟心太軟嚟到，伴碟同擺盆都10分吸引，而且好有高級餐廳嘅感覺。綠茶心太軟再配紅豆蓉同雲呢拿雪糕真係絕配。最好嘅心太軟就係做到一篤開佢就有溶流出嚟暖粒粒嘅蛋糕，配襯凍冰冰嘅雲呢拿雪糕，口感豐富而且又唔太甜，配搭非常好。另外叫左士多啤梨窩夫配曲奇雪糕外脆內軟既窩夫時間教得不錯，配埋蜜糖同士多啤梨 甜甜酸酸，口感豐富

食完中餐一定要食下甜品先滿足到另一個胃,於是就去左過兩條街既甜品店去試下了. 慰勞宴 Part 2 Start!估不到佢有咁多款唔同既甜品可以揀,一於試下一樣甜品,一杯沙冰先!法式焦糖燉蛋伴雪榚表面熱熱的脆脆的,𥚃面既燉蛋又香又滑,再配返一球冰凍既雪榚,一款甜品滿足有三種味道同特色,正!水蜜桃沙冰同伴剛才吃得太飽,話叫杯野飲算了.佢沙冰打得好好,不會硬硬的一塊塊,再加上份量配搭的剛好的鮮果汁,清新好選擇.另一個胃也飽飽滿足!

今日食完晚飯之後就同兩位友人行到嚟Joyful Dessert House，其實之前已經聽聞過呢間甜品舖攞咗米芝蓮星級推薦，一直都想試吓㗎喇！咁啱今日大家食完飯都仲意猶未盡，咁啱友人又提議嚟呢間坐下，所以終於有機會試到喇！去到舖頭，其實檯檯都坐滿人，都幾熱鬧。好在咁啱有檯客走人，我哋唔駛等就有得食喇！呢度嘅裝修係行溫馨簡約嘅路線，唔會太迫，啱晒我哋幾個傾吓計。呢度甜品選擇好多，不過身為抺茶控嘅我，見到又係米芝蓮推介嘅「綠茶心太軟伴雪糕」就已經唔駛諗咁多，即刻嗌咗嚟試嘞！1)綠茶心太軟伴雪糕 (⭐⭐⭐⭐⭐):「綠茶心太軟伴雪糕」－雖然話即叫即整要等12分鐘咁耐，但感覺上我哋應該等咗幾分鐘就有得食喇！一拮落去，啲綠茶漿就流出嚟。外皮好鬆脆，內裡熱辣辣，連埋綠茶雪糕一齊食。又熱又凍咁真係好有層次，最緊要係綠茶味好夠，唔會太膩，非常好食！2) 朱古力疏乎厘伴雪糕 (⭐⭐⭐⭐⭐):「朱古力疏乎厘伴雪糕」－疏乎厘整得好鬆軟，質感好滑！值得一讚係個雪糕嘅朱古力味好濃，唔錯！3) 芒果窩夫 (⭐⭐⭐⭐💢):「芒果窩夫」－窩夫食得出有蛋味，啲芒果亦都好新鮮好甜！個人覺得呢度嘅價錢都合理，而且服務唔錯。當