雲川 米線．紅薯粉 (盈豐商場)

Open Now

Now Closed

今日入左屯門搵朋友，到晚餐時間又要諗下食乜好，突然諗起已經有好幾日冇食米線，米線癮發作好想食🥺 於是就叫朋友帶我去食米線，朋友帶左我黎一個小型舊商場，話入面有間佢覺得好好食既米線舖 — 雲川燒好彩我地黎得早，7點就到左，唔洗等位～之後一路食一路發現等位既人流不斷，就知道呢間米線舖應該好受區內既街坊歡迎我叫左香茅豬扒酸辣小鍋米線，湯底酸味同辣味都好平均，好開胃；豬扒有5大舊，好入味，不過因為豬扒冇另上，所以有少少淋左，不過整體黎講呢碗米線都好好食！