雲川 米線．紅薯粉 (盈豐商場)

Open Now

Now Closed

今日試咗豬頸肉•醬爆魚丸•金湯酸辣薯粉，真係好好味！首先，豬頸肉煮得剛剛好，肉質嫩滑，醬汁入味，口感非常好。魚丸彈牙，啲饀幾特別，味道更加出色，真係唔會失望。至於酸辣薯粉，味道酸酸辣辣，搭配啲酸菜韮菜，色香味俱全，食落去唔單止刺激味蕾，仲有一種清新感。整體嚟講呢道菜平衡得好好，就咁一個人快食都好適合。如果鍾意重口味嘅朋友，可以考慮揀辣度大啲嘅湯，我唔係好食得辣覺得小辣都係一般辣，如果你本身食勁辣可以大膽啲，會更加過癮！

呢間雲川喺我屋企附近，今日諗唔到食乜嘢好，就去左食雲川食米線。我叫咗豬頸肉豬扒魚湯米線，佢嘅豬頸肉燒得好香，又唔會太乾，韌韌哋，好有咬口👍豬扒就醃得腍身，味道都調校得好好，唔會好鹹，食到豬扒本身嘅味道，我覺得好好味👍個湯底都好正，有鮮魚湯嘅味道，啱晒唔食辣嘅我，又唔似平時餐廳嘅味精湯底，米線煮得軟硬適中，唔會太腍，又唔會太硬，煮嘅時間控制得好好，我覺得米線過埋啲魚湯，真係好好食，所以我經常都會幫襯😋雲川平平哋，價錢唔貴，食物又好味，性價比好高👍

雲川一直作為屯門超人氣嘅米線店存在，由細個做part-time已經開始食，到不停開分店，好耐無係總店食過，咁啱路過就決定去食。麻辣湯紅薯粉 (豬頸肉同墨魚咀）佢嘅湯底係偏重口味，湯底會有埋辣肉碎,芽菜,韮菜同蔥，可以增加口感同香味。麻辣湯其實係豬骨湯加麻辣，鐘意食麻辣嘅朋友推薦叫呢個湯底。作為招牌嘅豬頸肉點可以唔叫豬頸肉燒得超香，同埋會切左細細條先上，超方便我地啲口細細嘅女仔食。韮菜雲吞(6粒)唔推薦叫，肉質比較鬆軟，調味有少少醋，令食嘅時候帶酸。藤椒魚皮鍾意食魚皮嘅朋友一定要叫，超爽口，再配上藤椒，超麻，超好食！

米線人至愛既雲川 雲川既湯底係最吸引既已經食過無數次 但認為要俾個credit雲川以下係每次都必點既豬頸肉蘿蔔中酸辣薯粉雲川既蘿蔔你係無理由唔點架，因為啲蘿蔔超級甜，好似真係浸咗糖水咁，而且中酸辣既味真係好吸引，呢度嘅薯粉好易咬口，雲川嘅湯底係最猛烈。豬頸肉螺旋藻米線雲川係會比超級大量嘅螺旋藻，係好足料既。花椒魚皮花椒味係好夾魚皮，而且啲魚皮係好爽，份量係對得住個價錢。雲川係我平日放左工都要入去食既一間，因為米線癮一起就會想飲雲川既湯底，然後再搭返車出黎。另外佢既花枝丸同其他小食都好出色，大家可以一試再試。

豬扒鴨胸豬骨湯米線豬骨湯個味真係一流，每次去親都會揀呢個湯底。米線本身口感軟滑，搭配爽脆的豬扒，形成了不同的口感層次。而鴨胸肉質細膩，多汁細嫩，鴨胸本身的脂肪和肉岩岩好。每次黎到我都會食呢個，因為真係好味🥰

終於都食到呢間堪稱「屯門米線龍頭」😙😙屯門人一定會聽過雲川米線😌呢間受到米線關注組高度關注嘅米線，喺屯門區越開越多分店😆Tea Time去到都唔算好多人🥰 原來都幾抵食🤑米線包飲品都只係$48，除咗小鍋米線之外，仲有三款下午茶餐，不過我哋驚唔夠飽，都係叫返米線好啲🤣 🏅豬骨湯豬頸肉米線 ($48)豬骨湯底配有辣配菜，湯底濃郁惹味🤤秘製燒豬頸肉一定係必食😍😍外皮焦脆，爽滑彈牙，香甜充滿BBQ嘅風味😋而且份量都幾多，食極都仲有🤭🐟鮮魚湯香辣腩肉米線 ($48)奶白色嘅鮮魚湯幾鮮甜，望落清清地但其實好夠味😋鮮魚湯無辣配菜，唔食辣嘅話係一個幾好嘅選擇😆香辣腩肉，味道甜甜辣辣，薄切大大塊，好滿足🥰🐷脆皮炸豬大腸 ($34)可能即炸😂呢個等咗好耐，食哂碗米線先到😅外皮炸到好薄好香脆，爽口唔油膩👍🏻調味偏淡，建議沾吓泰式辣醬，好出色，甜甜辣辣幾開胃😋

每次入屯門必食，食極唔厭。姐姐服務態度好，都較爲親切，米線份量充足，食材都OK新鮮，雖然依家提倡低鹽低糖，但間中一餐半餐都係OK既，會再次幫襯！例牌豬頸肉紅薯粉！

係屯門有成6間分店😮Lunchtime勁多學生打工仔咁又真係幾抵食嘅 lunch又包野飲香茅豬扒魚湯米線 ($48)可以揀湯再揀一餸個魚湯幾濃郁魚味 surprise!豬扒都幾冧唔鞋 米線都幾彈牙！豬頸肉小麻辣米線 ($49)豬頸肉要加$1 呢個都幾多人推薦食落好似豬肉乾😂 加d醃料味都好食嘅～ 另外小麻唔算好辣食得辣嘅可以叫再辣d飲品就叫左熱西洋菜蜜同凍檸茶(+$3)正正常常 抵食！

最近係網上突然睇到哩間米線既介紹，好似好吸引咁，食譚仔同食南記食到厭厭地，就試一試佢。果然名不虛傳，魚湯底驚喜，本人覺得好食過魚米的魚湯。🐷豬頸肉魚湯米線 $49 （豬頸肉爽口彈牙，有燒烤的味道，而且份量不少，難怪是必點，魚湯鮮甜。）🐙墨魚咀豬骨湯米線 $48 （墨魚咀比較失色，沒有任何調味，但湯底出色。） 🐟炸魚腐 $26 （第一次食炸魚腐，外脆內軟，口感不錯）湯底不會過咸，食完唔覺得口渴，已經做得好好。屯門人真是有口福👍🏻👍🏻

今次我帶大家去飽一飽口福，直衝屯門嚟食雲川燒！🥢真係人見人愛嘅地道川味米線。食咗麻辣大辣紅薯粉，辣得啱啱好，啖啖粉都吸滿咗湯汁嘅精華，咬落去Q彈又爽口！🌶講呢碗，啲豬頸肉真係不得了，炭燒味噴鼻，咬落去微焦香口，肥瘦分明，腍滑惹味。韭菜水餃呢，就係另一個驚喜，包裹韭菜同豬肉餡嘅餃子皮煮得啱啱好，不嬲咸香咁爽口，一啖咬落肉香同菜香即刻環繞喺口腔！仲有我大愛嘅湯底，濃郁香麻又帶啲辣，即刻惹起食慾。我啲米線添嘅豬扒、冬菇同腩肉，都係咁味美多汁。尤其係啲豬扒，外皮微微焦脆，真係好入味，令人越嚼越開胃！啊，講到令人目不轉睛嘅麻辣手撕雞，呢啲就係頂尖嘅小吃啦！雞肉滑嫩之餘，當中嘅麻辣味仲帶出雞肉嘅鮮味，夠晒味，邊食邊點頭，真係食指大動！係呢間店，每一樣都係有特色，令人回味無窮，增添口福喜悅。好啦，留返啲胃口，下次再試新滋味啦！🍲👅💦

屯門名物 雲川米線每次去屯門都必叫嘅米線🍜食過返唔到轉頭甚少食辣既我我每次去都會嗌豬骨湯底豬頸肉加韭菜雲吞每次配料都好足再加杯凍檸茶冇得彈不過間中晚飯時間人流比較多，等候時間要耐少少

每個禮拜都嚟嘅雲川，今個星期有啲特別，就係有唔係屯門嘅朋友嚟咗屯門，梗係帶佢嚟試吓屯門名物，雲川～雲川最出名嘅就梗係豬頸肉啦，邊可以唔叫，仲叫咗個炸雞軟骨，豬頸肉嘅份量依然好多，而家軟骨亦都炸得啱啱好，金黃香脆，朋友第一次食，都十分認同呢一個絕對係屯門名物，甚至已經講定，下次嚟屯門一定要再食，仲係咁問點解其他地區唔開分店，雲川老闆喺唔喺度啊？可唔可以解答吓我朋友嘅問題？🤣😁好啦，下個星期再嚟食

食左咁多年，滿充回憶豬頸肉、螺旋藻、豬扒和鴨胸都好好味，而且熱拌紅薯粉都不錯，經常介紹九龍人入黎試。今次外賣，照舊點菲菜餃、炸腐皮蝦卷，小酸辣小鍋米線。可能裝修完之後開始，感覺份量少左，配菜明顯少好多，芫茜沒有了、芽菜、酸菜少到得一兩條，啱晒「全走」朋友的要求，都我就比較喜歡食配菜。味道和以前相比，肉湯底稀左。已經不是以前的優秀酸辣米線啦價錢加左不少，店員的態度十分惡，不再是街坊有講有笑。外賣比堂食還貴。失望。往事只能回味。

今次去咗屯門紅橋好出名嘅雲川食雲南米線，下午去到，門口已經有好多人等位，但唔算等咗好耐就入得去食。餐廳裝潢類似茶餐廳風格，裡面都容納幾多人。點咗一碗麻辣湯底嘅豬頸肉小鍋米線，配一杯熱飲。湯底好入味，辣度啱我口味，豬頸肉好食，值得一試。麻辣湯豬頸肉小鍋米線 + 熱華田 $47

入去屯門做完野順便去醫返個肚呢間雲川暫時共有5間分店🖐️但只係遍佈屯門🥹要入黎先食到🥹希望將來可以擴散到九龍區🥹用手機掃QR code直接落單📱主打米線，紅薯粉，熱拌及小食湯底有好多款有辣有唔辣任君選擇🤣酸辣鯛魚片紅薯粉🐟🍜叫左1個配餸，加$5鯛魚片🐟好薄身約有8片左右，唔會一夾就散，食落爽口嫩滑，而且食唔到有骨，揀左小辣🌶️的酸辣湯底，小辣程度都食到辣味，無愈食愈辣的感覺，入面有辣肉碎，酸菜，芽菜，韭菜及蔥(但我唔中意所以走青及芽菜)，紅薯粉煙煙韌韌，好索汁味道超濃郁酸麻金湯豬頸肉腐皮蝦卷米線🐷🦐🍜叫左2個配餸，見到周圍食客都叫呢度出名的豬頸肉🐷，所以我都叫來試試，豬頸肉切成條狀，外層燒到焦脆香口，肉質爽口唔會覺得肥膩，腐皮蝦卷🦐裡面有蝦及粟米，口感彈牙，份量都幾足料，湯底是中辣🌶️的酸麻金湯，第一啖飲個湯有點嗆喉，帶點麻的後勁，米線軟硬適中夠彈牙凍檸檬利賓納🍹套餐加$5轉，味道偏甜，可能落左好多利賓納糖漿覆蓋左檸檬味凍檸檬茶🍹套餐加$3轉，味道跟茶餐廳一樣，正常發揮食物質素有驚喜，價錢唔貴又好食🤤，下次入屯門要再黎🤣