貴緣小鍋米線

Open Now

Now Closed

米線關注組新寵“貴緣小鍋米線”終於進駐大角咀😍以前要去北角先食到🥲即刻去試一試係咪都keep到水準先！我地試咗番茄湯同青花椒麻濃湯，兩碗都揀咗小辣。全部湯底都係用豬骨熬製，番茄湯🍅湯頭超級濃郁，酸酸甜甜，米線好掛汁！青花椒麻濃湯相較之下比較淡，冇我想象中咁麻咁辣🐒相信揀得呢個湯底嘅人都係重口味愛好者😂如果再濃啲就好啦～如果唔想食麵底可以轉芽菜底（放心份量唔係譚x菜底咁😂），健康又飽肚🥰餸方面，招牌豬軟骨同魚肉春卷係必試～豬軟骨好軟諗，輕鬆脫骨，非常入味🐷魚肉春卷鮮香彈牙，有成三大條🐟呢度嘅鹵水大腸特別之處係一條條咁上，洗得乾唔乾淨一目了然，店家保留咗大腸部分嘅脂肪，味道更加濃郁，冇咬唔爛嘅情況出現👍🏻坊間比較少見嘅螺旋藻呢度都有，小編好鐘意呢個餸😂次次見到都會嗌，爽脆可口，同米線好夾～佢地最出名嘅雞絲山揀咗以小食形式上，果然好震撼😳食極都食唔曬咁😂其他素菜例如豬紅、蘿蔔都非常入味，份量都唔少，兩個人埋單唔洗兩舊水已經食到捧住肚走，整體而言CP非常高！