Video
Read full review
2024-02-29
44 views
一向愛吃港式燒味，尤其是對燒鵝同乳豬，更係情有獨鍾。最近得知灣仔「天龍燒鵝」又開咗第二分店，即刻同朋友嚟食餐晚飯。店舖係米芝蓮 2 星中餐廳燒味部主廚創業，店內嘅燒鵝同乳豬全日不停燒製，新鮮熱辣，質素絕對有保證。點咗燻蹄海蜇同兩個一人餐，套餐跟老火湯、油菜、小食及白飯/瀨粉，配熱飲+$5。今日嘅老火湯係南瓜粟米豬骨湯，湯水非常清甜，飲得出無落味精，真材實料。原隻燒鵝髀拼叉燒瀨 ($150) 鵝髀大大隻，賣相極吸引，外皮酥香鬆化，肉質甘香又有鵝味。叉燒燒得非常香口，肥瘦度剛好，帶少少燶邊，肉香油香兼備，配煙韌爽滑嘅瀨粉食，味蕾大滿足！至於另一客 1 人餐就點咗乳豬燒腩仔雙拼飯 ($100)，乳豬外皮又薄又脆，沒有多餘脂肪，入口肉嫩鬆化，同甜甜嘅乳豬醬簡直係絕配。腩仔外皮脆卜卜，脂肪同瘦肉層層相間，咬落有肉汁，送飯一流。燻蹄海蜇 ($40) 燻蹄膠質豐富、軟彈有嚼勁；海蜇非常爽脆，入口帶淡淡麻油香，味道唔錯。
一向愛吃港式燒味，尤其是對燒鵝同乳豬，更係情有獨鍾。最近得知灣仔「天龍燒鵝」又開咗第二分店，即刻同朋友嚟食餐晚飯。
店舖係米芝蓮 2 星中餐廳燒味部主廚創業，店內嘅燒鵝同乳豬全日不停燒製，新鮮熱辣，質素絕對有保證。
點咗燻蹄海蜇同兩個一人餐，套餐跟老火湯、油菜、小食及白飯/瀨粉，配熱飲+$5。今日嘅老火湯係南瓜粟米豬骨湯，湯水非常清甜，飲得出無落味精，真材實料。
原隻燒鵝髀拼叉燒瀨 ($150) 鵝髀大大隻，賣相極吸引，外皮酥香鬆化，肉質甘香又有鵝味。叉燒燒得非常香口，肥瘦度剛好，帶少少燶邊，肉香油香兼備，配煙韌爽滑嘅瀨粉食，味蕾大滿足！
至於另一客 1 人餐就點咗乳豬燒腩仔雙拼飯 ($100)，乳豬外皮又薄又脆，沒有多餘脂肪，入口肉嫩鬆化，同甜甜嘅乳豬醬簡直係絕配。腩仔外皮脆卜卜，脂肪同瘦肉層層相間，咬落有肉汁，送飯一流。
燻蹄海蜇 ($40) 燻蹄膠質豐富、軟彈有嚼勁；海蜇非常爽脆，入口帶淡淡麻油香，味道唔錯。
Post
