文記車仔麵 (福榮街)

Open Now

Now Closed

知道文記車仔麵入左米芝蓮,一直都好想試下,但長期有人龍,今日就心血來潮同女朋友排下隊試,比想像中快,排10個人左右,大約等左5分鐘,排隊時已見到$12花膠,實在太吸引啦,咁平民嘅價錢就可以嘆到花膠,必試啦!我叫左拉麵底,花膠,韭菜餃,花膠都算大塊,攤開應該有一只手板咁大,口感幾爽口,又唔會韌,都唔錯,吃一啖花膠,飲一啖湯,簡值絕配,另外有3只韭菜餃,餃子都好多肉汁,但有啲太鬆散,湯底都好清甜,飲完也不覺口渴.女朋友就叫左薯粉,花膠,瑞士鷄翼,薯粉超級滑,直滑到喉嚨,瑞士雞翼很入味,肉也很滑,唔會鞋,可惜麵底太少了.