Video
Read full review
2022-05-07
3026 views
老闆請食飯慶祝同事六週年（大日子！），帶我地去金鐘Pacific Place食上海菜。原來餐廳嘅尖沙咀分店今年被評為米芝蓮一星⭐️ 餐廳環境冠冕堂皇，牆上掛畫同相片都充滿藝術感。重點推介😺👍 片皮烤鴨 兩食片皮鴨冇花巧嘅配搭，賣嘅係師傅嘅功力，只有最基本嘅青瓜、葱、甜醬。每一塊鴨皮都片得好薄，少少肥都無，入口脆而不膩，充滿鴨香。二食我地揀咗崧子鴨米叉子。鴨米炒得好香，崧子令整體口感提升，擺落叉子餅就變成一個地道嘅上海小食🥰👍 蟹粉釀蟹蓋招牌菜式，蟹粉鮮美滑溜，啖啖蟹肉同蛋白。特別想提下佢盛載嘅容器並唔係蟹蓋，而係一個蟹蓋型嘅碟，非常有心思。👍 乾燒明蝦球蝦球用咗酸酸甜甜嘅醬汁去調味，非常開胃。蝦球新鮮又大粒，口感彈牙。👍 高力豆沙香蕉食上海菜我一定要食甜品，今次就揀咗高力豆沙。熱辣辣大大粒，蛋白包住嘅除咗豆沙，仲有香蕉，食完一粒已經好滯。好滿足嘅一餐，雖然環境有少少嘈，不過整體食物質素頗高。如果有興趣試試嘅，訂枱不妨request靜啲嘅位。📍夜上海 金鐘金鐘道88號太古廣場3樓332號舖
重點推介😺
👍 片皮烤鴨 兩食
片皮鴨冇花巧嘅配搭，賣嘅係師傅嘅功力，只有最基本嘅青瓜、葱、甜醬。每一塊鴨皮都片得好薄，少少肥都無，入口脆而不膩，充滿鴨香。
二食我地揀咗崧子鴨米叉子。鴨米炒得好香，崧子令整體口感提升，擺落叉子餅就變成一個地道嘅上海小食🥰
👍 蟹粉釀蟹蓋
招牌菜式，蟹粉鮮美滑溜，啖啖蟹肉同蛋白。特別想提下佢盛載嘅容器並唔係蟹蓋，而係一個蟹蓋型嘅碟，非常有心思。
👍 乾燒明蝦球
蝦球用咗酸酸甜甜嘅醬汁去調味，非常開胃。蝦球新鮮又大粒，口感彈牙。
👍 高力豆沙香蕉
食上海菜我一定要食甜品，今次就揀咗高力豆沙。熱辣辣大大粒，蛋白包住嘅除咗豆沙，仲有香蕉，食完一粒已經好滯。
好滿足嘅一餐，雖然環境有少少嘈，不過整體食物質素頗高。如果有興趣試試嘅，訂枱不妨request靜啲嘅位。
📍夜上海
金鐘金鐘道88號太古廣場3樓332號舖
Post
