Video
Read full review
2024-05-28
2120 views
❀ Café BAU #灣仔 ❀❗️米芝蓮廚魔新餐廳 採用本地食材創作出驚喜菜式❗️——————————————————廚魔一向係我最喜歡嘅米芝蓮餐廳之一🥰主廚Alvin Leung最近再開設咗新嘅餐廳，極速獲得米芝蓮推介🔥以可持續為理念，採用多款本地農場嘅食材，用嶄新嘅方式呈現本地菜式，賣相精美，味道特別又出色😚最平$698可以享用三道菜，份量非常足夠！想試真啲可以試$988六道菜，甚至$1188 八道菜，係間價位相對合理，而且質素超高嘅米芝蓮餐廳👏🏻.✷𝑀𝑒𝓃𝓊✷☞ 3 course menu $698♥ 麵包先送上Sourdough、Foccaccio，最特別係用欖菜製成嘅泡沫醬汁，鹹鹹香香同西式嘅麵包居然非常夾😍.♥ Amuse bouch 用香脆嘅春卷外皮包住魚生、川椒醬、及大地魚湯啫喱，清新開胃👍🏻♥ Appetiser✦ Oxen Tartare用本地仙姑牛製成嘅牛肉他他🐮口感相對較紮實。用本地耕種紫薯製成香脆紫薯片，包住一口牛肉他他，配上鮮味十足嘅生蠔醬汁，係幾嶄新嘅fusion他他。✦ Jinga Shrimp Mille-Feuille超喜歡呢道😚賣相十分吸引，不論味道
❗️米芝蓮廚魔新餐廳 採用本地食材創作出驚喜菜式❗️
——————————————————
廚魔一向係我最喜歡嘅米芝蓮餐廳之一🥰主廚Alvin Leung最近再開設咗新嘅餐廳，極速獲得米芝蓮推介🔥以可持續為理念，採用多款本地農場嘅食材，用嶄新嘅方式呈現本地菜式，賣相精美，味道特別又出色😚最平$698可以享用三道菜，份量非常足夠！想試真啲可以試$988六道菜，甚至$1188 八道菜，係間價位相對合理，而且質素超高嘅米芝蓮餐廳👏🏻
.
✷𝑀𝑒𝓃𝓊✷
☞ 3 course menu $698
♥ 麵包
先送上Sourdough、Foccaccio，最特別係用欖菜製成嘅泡沫醬汁，鹹鹹香香同西式嘅麵包居然非常夾😍
41 views
0 likes
0 comments
.
♥ Amuse bouch
用香脆嘅春卷外皮包住魚生、川椒醬、及大地魚湯啫喱，清新開胃👍🏻
♥ Appetiser
✦ Oxen Tartare
用本地仙姑牛製成嘅牛肉他他🐮口感相對較紮實。
用本地耕種紫薯製成香脆紫薯片，包住一口牛肉他他，配上鮮味十足嘅生蠔醬汁，係幾嶄新嘅fusion他他。
27 views
0 likes
0 comments
37 views
0 likes
0 comments
✦ Jinga Shrimp Mille-Feuille
超喜歡呢道😚賣相十分吸引，不論味道或口感嘅層次都非常豐富。
香脆嘅春卷外皮包住輕輕煮熟嘅基圍蝦他他🦐口感軟腍、再加上意大利青瓜蓉、紅蘿蔔啫喱、加咗蝦米油嘅沙律醬及話梅啫喱，味道酸酸甜甜，非常特別又美味。
唯獨基圍蝦味道相對冇咁突出，略嫌比話梅嘅酸甜味搶過，不過整體都係超級好食😋
49 views
1 likes
0 comments
.
♥ Main
Hung Wan Farm Ping Yuen Chicken +$450/2
本身掙扎咗好耐應唔應該加錢，仲要兩個人只可以食到一個主菜🙈
食過唔少三黃雞都覺得普普通通，不過呢間真係非常嫩滑，即使雞胸部份都好鮮嫩多汁👍🏻
外皮薄薄一層唔算特別脆，但充滿油香。
而且用二澳米製成嘅蘑菇飯非常惹味呢😆
24 views
0 likes
0 comments
11 views
0 likes
0 comments
.
♥ Desserts
✦ Signature Custard Tart
呢個吉士撻相對普通，用上本地牛奶製成嘅吉士味道正常，撻皮亦唔算獨特🙈
31 views
0 likes
0 comments
✦ Modern Wife Cake with Tropical Gelato
發夢都冇諗過米芝蓮餐廳會食到老婆餅🤩
完全將老婆餅嘅元素保留，但係完美提升！
保持老婆餅嘅外皮及煙靭嘅冬瓜蓉，但在加咗椰子雪糕以、香脆蛋白餅、熱情果醬，完美平衡咗老婆餅嘅油膩感👍🏻
31 views
0 likes
0 comments
——————————————————
✨整體味道: 4.2/5
✨環境裝修: 4/5
✨服務態度: 4/5
✨性價比: 4/5
✨再訪興趣: 4/5
.
💞整體來講
廚魔總廚新餐廳果然冇令我失望😍菜式運用本地食材，保留本地特色再加入嶄新嘅元素，超級推薦！
Post
