多賀野 (K11 Musea)

Open Now

Now Closed

話説最近新開既K11 Musea有間米芝蓮拉麵店進駐，仲要係連續4年獲得呢個殊榮，當然要去朝聖啦。去到環境好寬敞，最特別係如果係2個人而又被安排係卡位既位置的話，可以坐埋一邊，前面有扇可移動的窗，拉埋咁就同對面隔住，咁就唔怕同d唔識既人一齊坐咁尷尬啦。去得多賀野一定要叫佢個招牌多賀野醬油拉麵，湯底帶鹹香但無油。麵條口感煙韌， 吸收曬d湯汁， 鹼味唔重，帶淡淡麥香。另外仲叫左碟小食 - 炸雞，都要等一陣先上菜，不過證明係即炸。 即炸炸雞係無可能唔好食，外面脆，裏面雞肉又暖又嫩滑，一流。睇食評見到都有唔少差評，但其實食落都唔係咁差。