潮樂園 (和富道)

Open Now

Now Closed

呢間拎過米芝蓮美食推介嘅潮州菜，日頭座落係北角和富附近，就好似一間低調、普通嘅餐廳，估唔到大有來頭，好多款招牌潮式美食都出晒名。只不過我黎親呢頭只係食lunch，但性價比都唔錯，周不時都會過黎食。Lunch menu簡單啲，主要食碟頭飯，送一碗紫菜湯，但入面有放蒜蓉粒，個人就麻麻地蒜蓉味。店內嘅滷水鵝片同鵝肉好出色，揀任何一款餸都有滷豆腐墊底，唔好睇少滷豆腐，我覺得滷得好入味，唔會過咸，甚至好食過啲肉類添☺我聽朋友推介，揀咗新鮮沙薑雞拼雞腎（附送滷豆腐），估唔到沙薑雞都整得好好食，食得少少沙茶醬味，醬汁亦起沙，雞肉嫰滑，唔會”柴”，雞腎都好入味，好啱送飯。