Video
Read full review
2025-01-17
451 views
由中環搬到嚟銅鑼灣時代廣場，環境空間舒服，公司或者家庭聚餐都有獨立空間，今次就食幾款傳統粵菜，每一款都整得好精緻，最緊要係米芝蓮級數，但係價錢唔算貴‼️🔸富哥炒飯 $280招牌炒飯，白飯先用上湯蒸過，仲要係新鮮即蒸，而配料係用金華火腿，先蒸後切成丁，再加大量葱白葱花同小黃蝦，炒飯用上瓦煲上，打開炒飯好夠熱，飯炒得好乾身，有鑊氣，加上配料用咗金華火腿、小黃蝦等，食落去味道同香味都會更加突出🔸富哥咕嚕肉 $240佢嘅咕嚕肉最大特色係切片上，炸得仲要好夠脆，色澤好均勻，炸完之後咕嚕肉仲係好嫩口，配上大量嘅青椒、紅椒、黃椒、加埋新鮮菠蘿，賣相顏色好豐富🔸梅菜蒸茄子 $160呢一款係好經典嘅粵菜，用梅菜配搭茄子，呢一碟所選嘅梅菜係甜梅菜嗰種，唔會太鹹仲帶點少少甜，但係又會食到梅菜嗰種爽口，係會越食越開胃🔸椒鹽九肚魚 $160平時見到隻九肚魚都係原條炸出嚟，但係呢度嘅做法就係將九肚魚開邊取骨再拎去炸，食到好似啖啖肉嘅感覺，而且完全冇骨，除咗炸得啱啱好九肚魚仲係好嫩滑之外，仲睇得出刀工好厲害🔸十年陳皮紅豆沙 $40陳皮揀咗十年嘅陳皮，食落去好香陳皮味，紅豆沙夠腍，亦都做到起沙嘅效果🔸焦糖銀耳露 $40
🔸富哥炒飯 $280
招牌炒飯，白飯先用上湯蒸過，仲要係新鮮即蒸，而配料係用金華火腿，先蒸後切成丁，再加大量葱白葱花同小黃蝦，炒飯用上瓦煲上，打開炒飯好夠熱，飯炒得好乾身，有鑊氣，加上配料用咗金華火腿、小黃蝦等，食落去味道同香味都會更加突出
🔸富哥咕嚕肉 $240
佢嘅咕嚕肉最大特色係切片上，炸得仲要好夠脆，色澤好均勻，炸完之後咕嚕肉仲係好嫩口，配上大量嘅青椒、紅椒、黃椒、加埋新鮮菠蘿，賣相顏色好豐富
🔸梅菜蒸茄子 $160
呢一款係好經典嘅粵菜，用梅菜配搭茄子，呢一碟所選嘅梅菜係甜梅菜嗰種，唔會太鹹仲帶點少少甜，但係又會食到梅菜嗰種爽口，係會越食越開胃
🔸椒鹽九肚魚 $160
平時見到隻九肚魚都係原條炸出嚟，但係呢度嘅做法就係將九肚魚開邊取骨再拎去炸，食到好似啖啖肉嘅感覺，而且完全冇骨，除咗炸得啱啱好九肚魚仲係好嫩滑之外，仲睇得出刀工好厲害
🔸十年陳皮紅豆沙 $40
陳皮揀咗十年嘅陳皮，食落去好香陳皮味，紅豆沙夠腍，亦都做到起沙嘅效果
🔸焦糖銀耳露 $40
好少見嘅一款糖水，有人會形容為平價燕窩，因為白木耳本身有養顏美容功效，食落去又爽口、清爽、滋潤，同埋仲有淡淡嘅焦糖香味，未食過呢款糖水都覺得好特別
Post
