Video
Read full review
2022-10-31
191 views
餐廳：麻辣燙 (中環)地址：中環蘇豪奧卑利街7號地舖麻辣燙 @chilli.fagara 由2005年喺中西區開到依家，近幾年搬咗去中環蘇豪奧卑利街，相信唔少人行經大館都會俾佢充滿神秘感、引人入勝嘅門面吸引而望過去想了解究竟喺一間咩餐廳🤩呢間2011至2013年拎咗米芝蓮一星嘅餐廳🏅，其後一直成為米芝蓮推介餐廳之一。火辣紅色嘅裝修呼應返餐廳主打嘅四川特色——麻辣燙🌶，門面每年都會換上唔同具備四川文化特色嘅花卉🌺，餐廳裡面嘅牆上仲掛有四川面譜，加上老闆同大廚都喺土生土長四川人，可以將當地嘅原汁原味帶到食客面前：「麻」——四川花椒製造出麻痹嘅口感；「辣」——辣椒獨有嘅辛辣味道；「燙」——唔辣唔鹹，以中性嘅姿態同「麻」、「辣」並存餐廳主要以麻、辣、燙作為主菜單嘅分類，基本上四川嘅特色小菜都有，佢哋仲比較破格，加入咗一系列素食選擇同元素，連Impossible Meat都可以喺度搵到🤓，希望迎合返依家食得比較健康嘅人士。啱啱坐低冇耐店員就送上代表住麻辣燙嘅前菜，分別喺四季豆、粉皮同醃蘿蔔，食完大概認識咗呢三種味道再去揀主菜都未遲👍✝️金牌樟茶鴨 $328用咗細細隻、唔會太肥而且肉質夠嫩滑爽口嘅小
地址：中環蘇豪奧卑利街7號地舖
麻辣燙 @chilli.fagara 由2005年喺中西區開到依家，近幾年搬咗去中環蘇豪奧卑利街，相信唔少人行經大館都會俾佢充滿神秘感、引人入勝嘅門面吸引而望過去想了解究竟喺一間咩餐廳🤩
呢間2011至2013年拎咗米芝蓮一星嘅餐廳🏅，其後一直成為米芝蓮推介餐廳之一。火辣紅色嘅裝修呼應返餐廳主打嘅四川特色——麻辣燙🌶，門面每年都會換上唔同具備四川文化特色嘅花卉🌺，餐廳裡面嘅牆上仲掛有四川面譜，加上老闆同大廚都喺土生土長四川人，可以將當地嘅原汁原味帶到食客面前：「麻」——四川花椒製造出麻痹嘅口感；「辣」——辣椒獨有嘅辛辣味道；「燙」——唔辣唔鹹，以中性嘅姿態同「麻」、「辣」並存
餐廳主要以麻、辣、燙作為主菜單嘅分類，基本上四川嘅特色小菜都有，佢哋仲比較破格，加入咗一系列素食選擇同元素，連Impossible Meat都可以喺度搵到🤓，希望迎合返依家食得比較健康嘅人士。啱啱坐低冇耐店員就送上代表住麻辣燙嘅前菜，分別喺四季豆、粉皮同醃蘿蔔，食完大概認識咗呢三種味道再去揀主菜都未遲👍
✝️金牌樟茶鴨 $328
用咗細細隻、唔會太肥而且肉質夠嫩滑爽口嘅小米鴨🦆，將鴨烤好之後掛起風乾🌬，再用香片去煙燻🔥，脆皮嘅鴨肉充滿住陣陣煙燻香，
輕輕蘸上淮鹽配埋蝴蝶餅一齊食，喺咪有啲似食緊另類版嘅北京填鴨呢😆
✝️木須薄餅 $168
講到北京填鴨，相信呢個木須薄餅會更加似，一份有六件薄餅片，另外有一兜好似我哋平時食肉絲炒麵嘅素菜絲，當中有紅綠椒、蘿蔔🥕、椰菜、芽菜、木耳，仲有啲粉絲，加埋自家製嘅芡汁，同埋食北京填鴨必蘸嘅甜麵醬，
用薄餅包住一啖放入口，滿口都充滿住豐富嘅餡料同滋味🌮，唯獨用呢啲材料俾人感覺定價進取咗少少🤏
✝️麻婆豆腐 $138
麻婆豆腐好多地方都可以食到，呢度最特別之處在於佢哋獨有嘅辣椒配方🌶，同埋超級嫩滑嘅豆腐粒，就咁食可能會太過濃味，不過配埋飯或者麵一齊食就真喺食多兩碗白飯都仲得🍚
✝️家鄉麻辣燙炒飯 $158
用咗時令嘅蒙古羊肉粒🐑，加上自家製辣椒醬去炒香呢個招牌炒飯，雖然當中都喺用咗一般嘅蛋碎、蘿蔔粒、蔥花去炒，但喺嗰種若隱若現嘅辣香就真喺值得一試👏，所選用嘅羊肉羶香唔喺好突出，但喺就較為有咬口，令成個炒飯嘅口感更豐富同立體
✝️拔絲士多啤梨
最後食嘅呢個甜品帶嚟滿滿驚喜🎊，相當費時嘅手工菜，在於師傅要人手去拉出幼幼嘅糖絲，呢個功夫真喺買少見少，拔絲上面加咗玫瑰花瓣同黑芝麻🌹，聞落食落就更加香，
而士多啤梨上面加咗冰糖外層🍓，就好似食緊冰糖葫蘆咁近住中環蘭桂芳，餐廳又點少得有Cocktail同Mocktail嘅存在呢🍹，
叫咗杯Kiwi Spritz($128)同Passion Fruit Smash($128)，兩杯都喺即叫即拆新鮮果肉而成，絕對唔會用果汁或者糖漿去整，
所以飲落有淡淡果肉之外仲飲到清新果香🥝，食完辣嘢再飲解辣一流😆，賣相仲好別緻添😍Post
