天天海南雞飯 (ELEMENTS圓方)

Open Now

Now Closed

太耐冇去星加坡，今晚就食返餐星加坡米芝蓮過江龍。平日餐廳晚上大概八九成full，有卡位，地方闊落。$499，2人餐，價錢超值！🍴蝦皮素肉鬆凍豆腐蝦皮份量很多，擺盆有心思，醬汁甜甜辣辣，作為前菜很開胃。🍤黑松露墨魚蝦多士木魚和沙律菜鋪滿整個蝦多士，分量十足，加上芝麻醬，令整個蝦多士refresh起來。黑松露味薄弱，但咬落去有墨魚膠，口感很特別。新鮮炸出來，脆卜卜，好食。🐔天天海南雞又是賣相超美的一碟。雞皮有彈性，而且無肥膏喺夾層，肉質嫩滑得嚟有咬口。雖然是雞胸，但雞肉是嫩嫩的，小雞剛大為少女一樣的肉質。天天海南雞的醬汁絕對是加分為，提升了雞味。分量偏小，但在整個二人餐中，都食得很飽。🥬森巴辣椒炒通菜有鑊氣，惹味。通菜新鮮翠綠，用鐵鍋上盤，熱辣辣，猶如置身新加坡一樣。🍚雞油飯食海南雞，最重要一定係碗油飯。這裏的油飯齒頰留香，飯質粒粒分明，不會因為有雞油就黐埋一舊。在米飯香中心出淡淡的雞油味，香而不膩。二人份量的雞油飯，超大碗的一定食唔晒！