Video
Read full review
2017-05-21
6613 views
一家人約埋朋友一齊食飯因為有7大1B，俾左張大圓枱俾我地，坐得鬆動啲，可以放下野咁多人，叫套餐就唔駛煩反正之前食過lunch，味道係幾好所以對呢間食肆好有信心，相信家人會喜歡雖然7個大人，不過叫6人餐又唔夠飽，諗住8人餐，每人食多少少先來係前菜5碟（如果人少，食呢個前菜用盒仔裝，感覺好精緻㗎，不過原來人多，會放係隻碟，突然有啲失望添，俾唔多家人睇咁精緻嘅感覺）介紹下啲前菜先水晶豬蹄凍，食落口感好豐富，好似好多骨膠原感覺，味道唔會話偏咸，好味蝦苗伴頭水紫菜其實搵唔到蝦苗但見呢間鋪頭嘅電視播紫菜嘅片段，應該好特別，而家人都覺得好味，出邊都未食過，推介大家必食冰浸苦瓜用冰浸住，薄薄嘅苦瓜片，點啲蜜糖去食，好特別，亦好好味，一啲都唔苦，家人都好鍾意食，推介大家必食香伴海蜇頭呢個唔太特別，出邊有得食，不過味道都幾好味九轉小腸係蠟燭仔暖住上，不過一上枱就發現無左火要重點過，不過呢個味道又係好好味，豬大腸feel，又滑溜又唔會話食左好滯，我食左好多竹蔘海鮮羹menu寫嘅同上菜嘅次序。。。好似有啲唔同，唔係前菜後就上不過個羹好水，無乜特別蒜蓉蒸蝦開邊蒸容易食，不過唔係咩特別菜色，蝦都偏向細隻，無乜肉食
因為有7大1B，俾左張大圓枱俾我地，坐得鬆動啲，可以放下野
咁多人，叫套餐就唔駛煩
反正之前食過lunch，味道係幾好
所以對呢間食肆好有信心，相信家人會喜歡
雖然7個大人，不過叫6人餐又唔夠飽，諗住8人餐，每人食多少少
先來係前菜5碟
（如果人少，食呢個前菜用盒仔裝，感覺好精緻㗎，不過原來人多，會放係隻碟，突然有啲失望添，俾唔多家人睇咁精緻嘅感覺）
介紹下啲前菜先
水晶豬蹄凍，食落口感好豐富，好似好多骨膠原感覺，味道唔會話偏咸，好味
蝦苗伴頭水紫菜
其實搵唔到蝦苗
但見呢間鋪頭嘅電視播紫菜嘅片段，應該好特別，而家人都覺得好味，出邊都未食過，推介大家必食
蝦苗拌頭水紫菜
50 views
0 likes
0 comments
冰浸苦瓜
用冰浸住，薄薄嘅苦瓜片，點啲蜜糖去食，好特別，亦好好味，一啲都唔苦，家人都好鍾意食，推介大家必食
冰浸苦瓜
50 views
0 likes
0 comments
香伴海蜇頭
呢個唔太特別，出邊有得食，不過味道都幾好味
九轉小腸
係蠟燭仔暖住上，不過一上枱就發現無左火
要重點過，不過呢個味道又係好好味，豬大腸feel，又滑溜又唔會話食左好滯，我食左好多
竹蔘海鮮羹
menu寫嘅同上菜嘅次序。。。好似有啲唔同，唔係前菜後就上
不過個羹好水，無乜特別
蒜蓉蒸蝦
開邊蒸容易食，不過唔係咩特別菜色，蝦都偏向細隻，無乜肉食
椒鹽豬手
有提供手套俾你食用，超好味，係必食
雖然係炸，不過唔會話食幾啖就漏，同埋好香，令人好難抗拒
椒鹽豬手
29 views
0 likes
0 comments
脆皮蒜香雞
香口但食到最後都有啲啲飽，所以都係食左好少，要打包拎走
酥炒芋心
外脆內軟，外邊少少咸咸地，入邊係甜
好特別，好好味，鍾意食芋頭嘅必食
酥炒芋心
22 views
0 likes
0 comments
主食，自己揀。。。我地揀左個飯
唔好睇少個木筒好似好細，個個都可以有份食
兼且個set真係幾飽，其實個雞都食唔落，唔好話個飯
但個飯整得好味，飯唔會話太硬，少少淋身，用埋醬汁炒，都好好味
芋圓花生湯
最後來呢個糖水
我未食過咁特別嘅糖水，一食。。。要望返menu係咩來，原來係成碗花生整出來，有幾粒芋圓，個糖水少少甜，花生又香，真係好好味
有多一碗，都俾我食埋
芋圓花生湯
18 views
0 likes
0 comments
呢一餐7個大人，叫左8人份量，每人食多少少
大家都好飽
因為份量好足，碟碟都好味，由頭食到尾都好滿意，下次會再來食過
Post
