莆田 (美麗華廣場2期) (Closed)

約左媽咪係尖沙嘴食飯，所以去左富中國風既米芝蓮餐廳莆田度食飯。莆田係美麗華二期，地點好方便，去到見到坐無虛席，都要等左陣先入到去。我地就叫左3個小菜有酥炒芋芯 (HKD 89)，蝦苗伴頭水紫菜 (HKD 52)同埋百秒黃花魚 (HKD 69)。另外，我地就叫左莆田滷麵 (HKD 82)。我地係張餐台個度介紹紅菇既台卡，俾佢吸引左，所以就叫左個紅菇燉土雞 試下(HKD 198)。係等食既時候，飜地就食住前菜雲耳，酸酸辣辣，味道唔錯。而啲茶都好清甜。先黎既係芋芯，賣相唔錯，外表有啲閃爍，因為佢最外層有啲焦糖，食落去係會有甜味既。內裏既芋頭非常'粉'，味道唔錯。跟住黎既就係水紫菜，賣相都好靚同精緻，食落去係有啲酸酸甜甜，係一道唔錯既開胃前菜。接着黎既就係黃花魚，魚肉非常鮮甜，一啲腥味都冇，啲湯亦都好清甜有魚味。不過溫馨提示，食既時候要小心啲，因為啲骨比較幼細。至於個滷麵，同我地食開既滷水係唔同。佢有蝦，菜，個汁比較厚，食落去味道唔錯。我個人鍾意加少少胡椒粉，令到個味道更加豐富。個紅菇燉土雞係用文火慢煲黑腳土雞4個小時，再加紅菇一同燜煮15分鐘，個湯偏紅色，但味道好好飲，土雞既精華都係哂個湯內