麻辣燙

Open Now

Now Closed

唔講唔知原來中環區都有米芝蓮川菜料理，由2005年開業，連續11年獲得米芝蓮指南推薦餐廳，呢度嘅菜式同餐廳名字一樣，以麻、辣、燙三味分類，店內環境唔大，裝潢特別，具有特色，絕對值得到訪👍🏻前菜有翡翠水餃，六大粒，外皮好薄，入口滑溜，餡料飽滿，配上蒜蓉醋醬，美味可口😍 之後有土豆絲，簡單但唔容易做嘅菜式，好鍾意呢度用桂花調味，令人感覺十分開胃🤤菜品款式眾多，田園養生菜好大一盤，蘿蔔、蓮藕、木耳、雜菜等混合而成，五顏六色，未食已經覺得好吸引，煮至入味，蔬菜軟硬度適中，唔會過硬又易入口、雜菜鍋粑同樣出色，脆脆米餅可增添口感，兩款各有千秋，值得一試🫣主食有檸檬雞塊，雞肉嫩滑多汁唔嚡口，粒粒大細適中，一口一粒，老少咸宜，搭配酸甜嘅檸檬，開胃又好味道呀！最後有木須薄餅，大大力推介，配料要咗鴨，香油味突出，粉絲吸飽醬汁，搭配三色椒，再用麼麼皮包住，超正😌