Video
Read full review
2021-11-13
1693 views
香港只有7間3星 米芝蓮餐廳 , 當中只有兩間法國菜. 有幸得到一個突如奇來的機會可以得到一張好難預訂的枱,抱住一人世物一世咩都要試下的心態都唔理甘多食左先講.環境 方面 :大水晶吊燈 ,整個裝修都有classic 法國餐廳的感覺好grand ,如果可以訂到窗口位成晚對住香港個夜境真係無敵.服務方面: 全部員工都好好,即使睇得出佢地好年輕亦十分淡定有禮. 服務貼心當 我地表示分量可以少一點立即提出可以take 個break先,遲5-10分鐘先煮下一道菜又主動提出將我地兩張椅靠近方便 傾 偈 食物方面:好飽,我睇其他人D review 都係個碟好大個份量好細,我無想像到我地要take 2 個 break 都係食唔哂. 我依家明點解走個陣枱枱都有個紙袋.由於人生第一次食Fine Dinning 同埋正宗的法國菜,所以試個tasting menu $2280 per person , 我見前後左右枱都係叫依個set . 兩個人真係飲唔到一支所以一人叫左杯白酒 MENU CONNAISSEUR 係 website 係有8個COURSES , 但原來一開始未order都有個鏡盒咸點3個, 同埋多
環境 方面 :大水晶吊燈 ,整個裝修都有classic 法國餐廳的感覺好grand ,如果可以訂到窗口位成晚對住香港個夜境真係無敵.
服務方面: 全部員工都好好,即使睇得出佢地好年輕亦十分淡定有禮. 服務貼心當 我地表示分量可以少一點立即提出可以take 個break先,遲5-10分鐘先煮下一道菜又主動提出將我地兩張椅靠近方便 傾 偈
食物方面:好飽,我睇其他人D review 都係個碟好大個份量好細,我無想像到我地要take 2 個 break 都係食唔哂. 我依家明點解走個陣枱枱都有個紙袋.
由於人生第一次食Fine Dinning 同埋正宗的法國菜,所以試個tasting menu $2280 per person , 我見前後左右枱都係叫依個set . 兩個人真係飲唔到一支所以一人叫左杯白酒
MENU CONNAISSEUR 係 website 係有8個COURSES , 但原來一開始未order都有個鏡盒咸點3個, 同埋多一個甜品
==============================
鏡盒3咸點 : 1. 鵝肝初入口都ok後勁有點羶 2. 三文魚無咩特別 3.咖哩雞味好濃小小的一粒放入口有點震撼
麵包: 超好味.....好香好軟, 我地係麵包控可惜只可以係Caprice 食度無得賣.
澳洲和牛他他拌法國生蠔配特級魚子醬 : 原來魚子醬係淋淋的,生蠔比例較少.牛他他沒有很甜
慢煮海螯蝦伴大蒜及海鮮配馬鞭草汁忌廉 : 大蒜味不會過濃亦沒有很特別,蝦很新鮮十分彈牙
特色洋蔥濃湯 : 好濃的牛湯底 洋蔥味很甜,由於個湯太濃所以那片麵包很淋.
時令鮮魚伴海苔牛油馬鈴薯及墨魚番茄醬配藏紅花汁 :我個人覺得依度菜係最好味,魚很香魚皮超正,墨魚番茄醬彈牙出色,個汁有好濃的龍蝦味
澳洲和牛西冷伴紅菜頭配陳年紅砵酒汁:主菜加左$450 真係有點失望,廚師建議4成熟我係ok既. 不過外面有點咸肉的質感沒有wow到我之餘個汁無咩特別明顯比上一道菜失色.
特選法國芝士 : 由於我地已經好飽所以要求盡量薄切以免浪費食物, Aged 同signature 最好味, 3種牛奶 係入門,羊奶即使已經係較淡味的選擇都好衝擊,cream cheese 食落比聞好.. 係個大盤芝士度選幾款整個cheese mix platter 俾我地之後會提供cracker , jam , apricot , walnuts and honey 配食, 值得一提係....個honey 超好味,好杰身好香但又唔會過甜非常高質數的蜜糖先會有依個質地
另一個熱情果味蛋白餅底無係website menu 個甜品比較好味,味道比較平衡.酸及甜都剛剛好而且熱情果味十分突出.
香蕉巧克力伴榛子杏仁脆餅配可可雪葩 : 香蕉味好出,可可雪葩出色,有點太甜同大份
咖啡及精美甜點 -->姨姨晚上飲咖啡會瞓唔著所以飲洋金菊茶,淡淡的是一個很好的ROUND UP
精美甜點 真係食唔到了所以take away 了.
==============================
整體: CP 值不是很高, 如果未食過試下無妨始終環境服務都一流但並沒有令到我想再返去食.或者將來試其他MENU
澳洲和牛他他拌法國生蠔配特級魚子醬
16 views
0 likes
0 comments
Post
