Video
Read full review
2024-12-06
251 views
銅鑼灣有米芝連推薦既Involtini，好彩屯門人都有同門姊妹店JEP by Involtini，食物完全唔輸蝕～難得仲係寵物友善餐廳，由前菜到主菜再到甜品，每一道都充滿驚喜同滿足感～Weekend夜晚仲有Live Band，氣氛一流，當晚一路享用美食品酒，一邊聽歌真係人生一大樂事🎶🍷.先黎一份餐包，暖笠笠食落有麵粉香，牛油自家製，色澤特別，一問之下原來落咗黑醋去調製😮將平時餐屯既蘸料合二為一😯.🍽️蟹粉菜苗意式雲吞蟹粉豆腐湯大閘蟹Tasting Menu既前菜。店員先注入蟹粉濃湯，意式雲吞即變成中式灌湯餃既感覺～飲落似中菜既蟹粉豆腐羹變奏版，有西湯既濃稠感，雲吞餡料係菜苗配蟹粉，而豆腐相信已經「融入」濃湯之中，飲落蟹鮮味濃厚。美美既紫蘇花代替紫蘇葉，味道仲有畫龍點睛效果👍🏻.🍽️芝士肉醬千層麵當晚只備有8份，好彩快手叫左1份😄焗到微焦表層好有風味～牛肉肉醬食落唔係一般絞肉，而係有紋理質感，有咬口之餘牛味濃👍🏻同融化既芝士搭係每層厚薄適中既麵皮中，口感豐富.🍽️手造意大利幼麵配西班牙紅蝦，紅蝦膏濃汁鎮店招牌。店員叮囑要用匙羹壓蝦頭令蝦膏爆出黎。手造意粉獨突既煙韌彈性口感好出色，蝦汁包住麵條，
.
先黎一份餐包，暖笠笠食落有麵粉香，牛油自家製，色澤特別，一問之下原來落咗黑醋去調製😮將平時餐屯既蘸料合二為一😯
.
🍽️蟹粉菜苗意式雲吞蟹粉豆腐湯
大閘蟹Tasting Menu既前菜。店員先注入蟹粉濃湯，意式雲吞即變成中式灌湯餃既感覺～飲落似中菜既蟹粉豆腐羹變奏版，有西湯既濃稠感，雲吞餡料係菜苗配蟹粉，而豆腐相信已經「融入」濃湯之中，飲落蟹鮮味濃厚。美美既紫蘇花代替紫蘇葉，味道仲有畫龍點睛效果👍🏻
.
🍽️芝士肉醬千層麵
當晚只備有8份，好彩快手叫左1份😄焗到微焦表層好有風味～牛肉肉醬食落唔係一般絞肉，而係有紋理質感，有咬口之餘牛味濃👍🏻同融化既芝士搭係每層厚薄適中既麵皮中，口感豐富
.
🍽️手造意大利幼麵配西班牙紅蝦，紅蝦膏濃汁
鎮店招牌。店員叮囑要用匙羹壓蝦頭令蝦膏爆出黎。手造意粉獨突既煙韌彈性口感好出色，蝦汁包住麵條，一大啖滿滿蝦鮮味係口腔爆發😋主角紅蝦同餐碟咁長咁滯，預料中既新鮮彈牙🦐
.
🍽️手造墨汁意大利幼麵、江蘇大閘蟹粉、咸蛋黃海鮮汁
大閘蟹Tasting Menu既主菜。意粉一貫高水準，好Al dente，而且有墨汁獨突既海鮮味；而蟹粉既鮮甜同咸蛋黃鹹香係好Match，仲有手拆蟹肉，啖啖都係心機
.
🍽️手造薯仔麵團，炸茄子，煙芝士，辣莎樂美腸醬
連Gnocchi都手造，欣賞👍🏻咬落好chewy ，辣莎樂美腸醬的微辣蕃茄味，少少香辣好開胃；莎樂美腸配左略炸既茄子仲有煙燻味芝士，真係會停唔到口
.
🍽️燒原隻三黃雞，野菌雞油飯
三黃雞經過精心燒製，香噴噴。雞皮已經燒到變左乾爽脆身，雞肉好嫩，雞胸位置食落夠滑好有驚喜，火喉控制得好好；飯用左野菌同雞酥粒（雞脂）配埋燒雞既雞油同焗，飯粒吸收晒雞油的精華，嚼勁十足，仲有飯焦，令人回味無窮
.
🍽️USDA Prime Greater Omaha肉眼（14安士）
肉眼質量無可挑剔，就番老人家叫左Medium Well，生熟度精準。外表燒到微微焦香，調味岩岩好，食得原味
.
🍽️意式炸海鮮
海鮮主要有大蝦，鮮魷同魚柳，炸衣咬落好薄，唔會成口油，外酥內嫩
.
🍽️甜品：糖漬蕃薯、薑味金寶、蕃薯糖水花、蘋果薑味意大利冰糕
大閘蟹Tasting Menu既甜品，完美收尾❣️巧妙將傳統嘅番薯糖水用另一個形態表現出黎，份子料理一樣，味唔會過甜，就算唔知名堂都食得出每個部份既味道，令人印象深刻👍🏻
.
🍽️海鹽玫瑰荔枝梳打
荔枝，玫瑰同海鹽加埋上黎絕無違和，仲好有層次。加埋有汽梳打，唔要酒精可以試下依杯👍🏻
.
今餐既美食盛宴，款款都展現左創意同用心，真心期待再回味
Post
