Video
Read full review
2019-11-04
22 views
八月到而家我終於有機會嚟到新嘅K11 Musea朝聖啦！講真呢個商場真係好容易令人迷失（蕩失路）不過今日有目標而來 朋友亦都預早提醒我餐廳就喺中庭玻璃球既隔離所以相對易搵講返主角先～事緣係朋友一直都好想試呢一間榮獲米芝蓮一星嘅日本過江龍拉麵——多賀野今日終於有機會試試佢！唔係講笑 呢間野堅多人食喎 一黎到已經有一條長長嘅人龍 我見到都有啲驚不過好彩我朋友醒目 早啲過嚟搵位好搞笑 侍應比左一個我本身以為唔係位嘅位點解咁講？因為如果唔打開中間嘅扇門 呢一排卡位就好似係一道牆後邊 超級隱蔽！同朋友都係小食控 毫不猶豫就叫咗兩個前菜先自家製蟹肉薯餅大大粒嘅蟹肉薯波～成落去香脆就一定㗎啦 不過咬落去薯仔多個蟹肉 只係食到淡淡的蟹肉甜味(搵唔到蟹肉)原味炸雞呢個炸雞得啊！雞肉夠嫩滑又juicy～食落去唔會乾爭爭～加上有少量芝麻食落更香口好好好主角要出場啦！登登登登⋯⋯拉麵！香蔥山椒叉燒拉麵超香噴噴嘅湯底 湯底都幾厚身 同拉麵做到有少少掛湯嘅感覺 加上帶有少許獨門秘製嘅辛辣香料 （我食落覺得似黑胡椒）叉燒雖然唔係好厚切 但係肥瘦適中仲有大量嘅香葱 啱晒我呢啲重口味嘅人不過食到中間就已經覺得好口渴 可
講真呢個商場真係好容易令人迷失（蕩失路）不過今日有目標而來 朋友亦都預早提醒我餐廳就喺中庭玻璃球既隔離所以相對易搵
講返主角先～事緣係朋友一直都好想試呢一間榮獲米芝蓮一星嘅日本過江龍拉麵——多賀野今日終於有機會試試佢！
唔係講笑 呢間野堅多人食喎 一黎到已經有一條長長嘅人龍 我見到都有啲驚不過好彩我朋友醒目 早啲過嚟搵位
好搞笑 侍應比左一個我本身以為唔係位嘅位點解咁講？因為如果唔打開中間嘅扇門 呢一排卡位就好似係一道牆後邊 超級隱蔽！
同朋友都係小食控 毫不猶豫就叫咗兩個前菜先
自家製蟹肉薯餅
大大粒嘅蟹肉薯波～成落去香脆就一定㗎啦 不過咬落去薯仔多個蟹肉 只係食到淡淡的蟹肉甜味(搵唔到蟹肉)
原味炸雞
呢個炸雞得啊！雞肉夠嫩滑又juicy～食落去唔會乾爭爭～加上有少量芝麻食落更香口
好好好主角要出場啦！登登登登⋯⋯拉麵！
香蔥山椒叉燒拉麵
超香噴噴嘅湯底 湯底都幾厚身 同拉麵做到有少少掛湯嘅感覺 加上帶有少許獨門秘製嘅辛辣香料 （我食落覺得似黑胡椒）叉燒雖然唔係好厚切 但係肥瘦適中仲有大量嘅香葱 啱晒我呢啲重口味嘅人
不過食到中間就已經覺得好口渴 可能係味道太重嘅關係～
辛辣沾麵
朋友揀咗沾麵～一上黎見到佢個一碗辛辣湯底都有少少淆（好似勁辣）好彩食落口都handle到！
沾麵煙韌彈牙 拌碟嘅個半隻糖心蛋勁好食！
不過最主要想讚嘅係佢個辛辣湯以為係平平無奇嘅一碗湯 點知原來湯底充滿驚喜～湯入面附有大量嘅榨菜同少小肥肉令到個麵嘅口感更加豐富、有層次！
Overall 我覺得以呢個價錢食一次米芝連奪星拉麵 都算係一試無妨不過可能就要等過多一排冇咁多人排隊嘅時候先啦！
Post
