蜜斗 (Closed)

琴日去大館做野，一直無米到肚直到下午茶先行得開。有個自稱地膽既同事話帶我去食平民米芝連，我一路心諗梗係跟自動電梯去食雲呑麵👅點知原來去食車仔麵。店主好聰明用一點好簡單的裝置提升間店既格調，其實咁樣慳返好多錢之餘以為維修保養或改風格都會易做好多，裝修簡單的話打理亦都好容易。講返食野先。佢本身係賣車仔麵配搭，但係我地兩個大男人（懶）就唔逐項逐項揀。我憑著本能揀A餐(芝麻花生）我同事係CBC 話 C餐個名得意便揀了Fire Energy(四川辣味）。星期六店內無咩人好快就上桌。 互相交換湯飲了一下（原來一樣味的😬）嘩個湯底肉味濃香到不得了。但好搞笑我地兩個讚嘆之餘都飲唔出到底咩材料煲出來，總之事後證實的確唔涸喉應該信得過無味精。份量非常足，米線同餸都好多，🤔樣樣都咁正到底佢點維皮？真係一個謎。個麻醬同辣醬係另上不是預拌的，唔好諗啦，All in 吧。樣樣配料都正，唔逐樣讚。不過腐皮真係如其名「濃味腐皮」鐘意豆製品的我超喜歡😘埋單每人唔使五十，呢個地段真係超抵🤓