而今小棧

Open Now

Now Closed

樓下粉嶺中心開左新輕食Cafe 「而今小棧」，今日終於有時間去食啦。餐牌有招牌滑蛋飯、意粉、全日早餐、窩夫、熱香餅、沙律、漢堡、熱狗、三文治、小食、甜品可以選擇，可以單點或跟套餐。蒜香蜆肉意粉套餐配可樂蜆肉份量都夠多，如果不夠，亦可以+$50 有雙倍份量蜆肉，蜆肉大大隻，處理得好好，沒有沙，蜆肉飽滿新鮮，意粉火喉剛剛好，軟硬適中，蒜香味濃郁，而且配菜還有蒜香麵包，麵包外脆內軟，蒜香味突出。卡邦尼意粉配抹茶牛奶好耐冇食過卡邦尼意粉啦，意粉火喉軟硬適中，非常掛汁，汁非常濃厚好Creamy ，好軟滑，每啖都充滿蛋香味，再配上煙肉、雜菌，口感層次更豐富。黃金炸蝦多士蝦多士炸得香脆，外層炸得脆脆的，蝦肉彈牙，沾上辣醬，味道更惹味。朱古力心太軟配雪糕香濃的朱古力蛋糕，裡面是暖暖流心的朱古力漿，配埋朱古力雪糕一齊食，一冷一熱，冰火交融，才是最享受。