Video
Read full review
2019-03-22
108 views
今日朋友約我放工出來食飯兼派手信,佢話帶我去一個打咭好地方,可以睇衫又可以食飯,一舉三得!令到超滿心期待今晚的約會!!餐廳裝修很少女風,粉紅色的磚牆放著平面的漫畫佈景,還有可愛的傻豹,乾花的裝飾,再配搭粉紅色的霓虹燈,令整間店都充滿著夢幻氣息!側邊係White button x Kanalili,放滿左好多唔同既衫,我們點餐後一邊睇衫一邊等食,再打咭影相,真係好開心!<黑松露雜菌湯> 我們點了一個套餐包餐湯和沙律!湯裡放滿菇粒,菇味香濃,口感不錯,加上用黑松露醬作點綴,撈埋一齊更好飲!<田園沙律> 沙律菜新鮮爽脆,味道清新,配上日式芝麻醬,濃郁又帶點芝麻香味,食起來特別開胃!<波士頓龍蝦懸浮扁意粉>叉住意粉懸浮半空的賣相超吸精!! 龍蝦好多肉好新鮮, 濃郁的龍蝦汁帶出龍蝦鮮甜的味道,餐廳好細心將蝦身拆開,方便我們進食,肉質鮮嫩彈牙,十分好味!!意粉軟硬適中,每條意粉也沾上龍蝦汁,煙煙韌韌,口感非常好!<櫻花蝦明太子天使麵> 明太子混合忌廉的味道好夾!加上天使麵上鋪滿了櫻花蝦,聞到一陣陣香濃的蝦亁味,食住脆脆的蝦乾和三文魚籽
餐廳裝修很少女風,粉紅色的磚牆放著平面的漫畫佈景,還有可愛的傻豹,乾花的裝飾,再配搭粉紅色的霓虹燈,令整間店都充滿著夢幻氣息!側邊係White button x Kanalili,放滿左好多唔同既衫,我們點餐後一邊睇衫一邊等食,再打咭影相,真係好開心!
<黑松露雜菌湯> 我們點了一個套餐包餐湯和沙律!湯裡放滿菇粒,菇味香濃,口感不錯,加上用黑松露醬作點綴,撈埋一齊更好飲!
<田園沙律> 沙律菜新鮮爽脆,味道清新,配上日式芝麻醬,濃郁又帶點芝麻香味,食起來特別開胃!
<波士頓龍蝦懸浮扁意粉>叉住意粉懸浮半空的賣相超吸精!! 龍蝦好多肉好新鮮, 濃郁的龍蝦汁帶出龍蝦鮮甜的味道,餐廳好細心將蝦身拆開,方便我們進食,肉質鮮嫩彈牙,十分好味!!意粉軟硬適中,每條意粉也沾上龍蝦汁,煙煙韌韌,口感非常好!
<櫻花蝦明太子天使麵> 明太子混合忌廉的味道好夾!加上天使麵上鋪滿了櫻花蝦,聞到一陣陣香濃的蝦亁味,食住脆脆的蝦乾和三文魚籽,配上口感幼滑又沾滿明太子忌廉汁的天使麵,唔會覺得好膩,反而味道層次提升了,真的不錯!
<玫瑰蜂蜜千層餅> 千層餅好味在於同一般蛋糕的口感唔同,一層層的薄餅堆疊起來,用叉輕輕切開無散到,食起來香滑柔軟!淡淡的玫瑰味,唔會好甜好清新,千層餅上灑滿乾玫瑰花瓣,賣相精緻又好味!
<紫水晶> 我最期待這個用檸檬,菊花,玫瑰和近年爆紅的蝶豆花配搭出的花茶!將蝶豆花放在熱水中泡4至5分鐘,再加檸檬,鮮艷的紫色會慢慢出現,同時花茶裡放了菊花和玫瑰,每啖都飲到淡淡的菊花和玫瑰味!
整體來講,餐廳環境和食物都不錯,這裡可以同時影相打咭,睇衫和食野!最岩約朋友來傾計影相chill!!
Post
