Error 19 (Closed)

粉紅控一聽到有相關餐廳，就梗係要同朋友去食飯影相。去到餐廳居然有意外驚喜，到處都係Mirror嘅裝飾……黑松露芝士薯條薯條炸得金黃香脆，加埋表面溶咗嘅芝士一齊食，唯一可惜個汁冇乜黑松露味。卡邦尼意粉卡邦尼意粉個汁好濃，意粉軟硬適中，水凖不過不失。煙三文魚吐司煙三文魚吐司有烘底，最驚喜係有牛油果醬，配埋煙三文魚食好夾。宇治抹茶十勝紅豆梳乎厘梳乎厘質感做得好鬆軟，表面微苦嘅抹茶醬加埋少少甜嘅紅豆蓉，成件事食落好平衡，會令人食到停唔到口。草莓拿破崙粉紅色同白色嘅cream好滑又唔會太甜，士多啤梨好甜，配埋鬆化嘅拿破崙食一流。Chocolate& Matcha Latte兩杯飲品嘅拉花都好靚，飲落唔會好甜，Cafe黎講正常發揮。總括而言，餐廳環境舒適，適合鍾意打卡嘅朋友，粉紅迷同鏡粉不能錯過。