口麻天辣

Open Now

Now Closed

近排粉紅色真係大熱！放工後順應依股熱潮，去到V Walk嘅MOTO MALA，全粉紅色嘅餐廳，好似一個可愛嘅粉紅盒子，主打麻辣川菜！川味水煮魚(特盛一人前) $138————————————依個餐真係超抵食，除咗主菜外，仲有是日小食、是日涼菜同白飯，而且主菜份量都係好大份。麻辣嘅香氣令人垂涎三尺，配上乾辣椒🌶️炸蒜等等令到香味更加昇華，仲有寬粉，非常滿足。是日涼菜係麻辣牛𦟌，非常開胃，小食就有炸雞翼。海鮮麻辣燙(清新藤椒湯) $88————————————又係超抵食，又大大盤！我點咗大蝦、嫩牛肉同埋巴掌肥牛，仲有萵荀片、金針菇、鮮豆皮，麵底就揀咗手打麵，藤椒帶出嘅麻味真係愈食愈過癮。彩虹冰粉 $38————————————食完麻辣，食返個冰粉清清味蕾，撈埋花生碎、紅豆、黑芝麻等等材料，豐富。