盛記粥麵

Open Now

Now Closed

位置係旺角花園街，新開張店內燈火通明，乾淨衛生，除供應各式各樣湯麵, 撈麵. 生滾粥, 腸粉等等小食外, 就連客飯都有, 真係各式其式, 任君選擇。湯麵湯底以豬骨、蝦殼、金華火腿、大地魚及羅漢果熬製而成，鮮甜味美。我係水餃雲吞類控, 所以順理成章點了招牌雲吞水餃雙併湯粗麵。雲吞皮薄餡靚，餡料以鮮蝦仁、肥瘦豬肉及大地魚碎為主，而水餃就有木耳絲, 口感十足, 而且用料新鮮，鮮味十足。配上爽口彈牙粗麵，很匹配。一款主食, 可追加一款小食, 我就追加了腩汁蘿蔔, 蘿蔔很清甜, 沒有渣滓, 加上腩汁, 超夾!而朋友就點了豬軟骨米線, 豬軟骨燘得軟腍入味, 追加了炸雞翼併蜆蚧鯪魚球, 炸鯪魚球炸得香脆, 配以鹹香蜆蚧醬汁同吃，更能吊出鯪魚肉的鮮香滋味。另外單點了豬潤腸粉, 豬潤爽口, 腸粉幼滑, 淋上豉油, 簡直無懈可擊！而且新張期內每名顧客均送一杯薏米水, 薏米水健脾袪濕消腫, 相當有益。下次一定要試埋盛記的粥品, 因為見服務員端比隔離枱的艇仔粥, 上面加咗蔥碎及花生, 而且粥底好綿滑，配料有瘦肉、魷魚、海蜇皮、魚片及生菜絲等等, 好豐富呀！